Duteronomi 32:1-52
32 “Bekani indlebe, mazulu, ngikhulume;Umhlaba mawuzwe amazwi omlomo wami.+
2 Imfundiso yami iyoconsa njengemvula,+Amazwi ami aconse njengamazolo,+Njengemikhemezelo phezu kotshani+Nanjengezihlambi ezinkulu phezu kwezimila.+
3 Ngoba ngizolimemezela igama likaJehova.+Mnikeni ubukhulu uNkulunkulu wethu!+
4 IDwala, uphelele umsebenzi wakhe,+Ngoba zonke izindlela zakhe ziwubulungisa.+UNkulunkulu wokuthembeka,+ okungekho ukungabi nabulungisa kuye;+Ulungile futhi uqotho yena.+
5 Baye benza ngendlela eyonakele bona;+Ababona abantwana bakhe, isici singesabo.+Isizukulwane esiyisigwegwe nesisontekile!+
6 Ingabe nenza ngale ndlela kuJehova,+bantu abayiziphukuphuku nabangahlakaniphile?+Akayena yini uYihlo owaniveza,+Yena owanisimamisa na?+
7 Khumbula izinsuku zakudala,+Cabangani ngeminyaka yakudala ezizukulwaneni ngezizukulwane;Buza uyihlo, angakutshela;+Amadoda akini amadala, angakuxoxela.+
8 Lapho oPhezukonke enika izizwe ifa,+Lapho ehlukanisa amadodana ka-Adamu,+Wawumisa umngcele wezizwe+Ecabangela isibalo sabantwana bakwa-Israyeli.+
9 Ngoba isabelo sikaJehova siyisizwe sakhe;+UJakobe uyisabelo sakhe asizuzayo njengefa.+
10 Wamthola ezweni eliyihlane,+Ogwadule olungenalutho, oluhewulayo.+Wamhaqa,+ wamnakekela,+Wamlonda njengenhlamvu yeso lakhe.+
11 Njengoba nje ukhozi lunyakazisa isidleke salo,Luzaza phezu kwamaphuphu alo,+Lwelula amaphiko alo, luwathathe,Luwathwale ngezimpaphe zalo,+
12 UJehova yedwa waqhubeka emhola,+Kwakungekho nkulunkulu wesinye isizwe kanye naye.+
13 Wamgibelisa ezindaweni zomhlaba eziphakeme,+Kangangokuba wadla umkhiqizo wasendle.+Wammuncisa uju edwaleni,+Namafutha edwaleni lensengetsha;+
14 Ibhotela lomhlambi wezinkomo nobisi lomhlambi wezimvu nezimbuzi+Kanye namafutha ezinqama,Nezimvu ezingamaduna, zohlobo lwaseBhashani, nezimpongo+Kanye namanoni ezinso kakolweni;+Futhi waphuza igazi lamagilebhisi njengewayini.+
15 Lapho uJeshuruni+ eqala ukukhuluphala, wakhahlela.+Usukhuluphele wena, usumkhulu, ususuthi.+Ngakho wamshiya uNkulunkulu, owamenzayo,+Wadelela iDwala+ lensindiso yakhe.
16 Baqala ukumvusela isikhwele+ ngonkulunkulu abangaziwa;+Balokhu bemcasula ngezinto ezinengekayo.+
17 Bahlabela amademoni, hhayi uNkulunkulu,+Onkulunkulu ababengabazi,+Abasha abafike muva nje,+Okhokho benu ababengajwayelene nabo.
18 IDwala elakuzalayo, walikhohlwa,+Wamkhohlwa uNkulunkulu, Lowo okuzala ngezinhlungu zokubeletha.+
19 Lapho uJehova ekubona lokho, wabadelela,+Ngenxa yenkathazo eyabangelwa amadodana namadodakazi akhe.
20 Ngakho wathi, ‘Mangibufihle ubuso bami kubo,+Mangibone ukuthi ukuphela kwabo kuyoba yini kamuva.Ngoba bayisizukulwane esonakele,+Abantwana abangathembekile.+
21 Bona, bangivusele isikhwele ngalokho okungeyena unkulunkulu;+Bangikhathazile ngezithombe zabo eziyize;+Mina, ngizobavusela isikhwele ngalokho okungesona isizwe;+Ngizobacasula ngesizwe esiyisiwula.+
22 Ngenxa yentukuthelo yami kokheleke umlilo+Futhi uzovutha kuze kufike phansi eShiyoli, indawo ephansi kunazo zonke,+Uzodla umhlaba nomkhiqizo wawo+Uzothungela izisekelo zezintaba.+
23 Ngizokwandisa izinhlekelele phezu kwabo;+Ngisebenzise imicibisholo yami kubo.+
24 Bazophela amandla ngenxa yendlala+ badliwe umkhuhlane ovuthayo+Nayimbubhiso eletha umunyu.+Ngizobathumelela amazinyo ezilwane,+Kanye nesihlungu sezilwane ezihuquzelayo zasothulini.+
25 Ngaphandle inkemba iyobaphuca,+Ngaphakathi ukwethuka,+Kokubili insizwa nentombi,+Osancela kanye nendoda esimpunga.+
26 Ngabe ngithé: “Ngizobahlakaza,+Ngizokwenza ukuba abantu abafayo bangabe besaliphatha nokuliphatha igama labo,”+
27 Ukube bekungekhona ukuthi bengesaba ukukhathazwa isitha,+Ukuthi abaphikisana nabo bangase bakuqonde kabi,+Ukuthi bangase bathi: “Isandla sethu siye saba namandla,+Akuyena uJehova ofeze konke lokhu.”+
28 Ngoba bayisizwe iseluleko esishabalalayo kuso,+Phakathi kwabo akukho ukuqonda.+
29 O ukube bebehlakaniphile!+ Khona-ke bebeyozindla ngalokhu.+
Bebeyocabanga ngesiphetho sabo kamuva.+
30 Umuntu oyedwa angayixosha kanjani inkulungwane,Ababili benze izinkulungwane eziyishumi zibaleke?+Kungenzeke ngaphandle uma iDwala labo libathengisile+Futhi uJehova ebanikelile.
31 Ngoba idwala labo alifani neDwala lethu,+Nezitha zethu akuzona okumelwe zinqume.+
32 Ngoba umvini wabo uvela emvinini waseSodomaNasemasimini aseGomora.+Amagilebhisi awo angamagilebhisi obuthi,Amahlukuzo awo ayababa.+
33 Iwayini lawo liyisihlungu sezinyoka ezinkuluUbuthi bezimfezi obunesihluku.+
34 Alibekelelwanga yini kimi,Lananyathiselwa uphawu enqolobaneni yami?+
35 Impindiselo ingeyami, nokubuyisela.+
Ngesikhathi esimisiwe unyawo lwabo luyohamba ngokuntenga,+Ngoba usuku lwenhlekelele yabo luseduze,+Nezenzakalo ezilungele bona ziyashesha.’+
36 Ngoba uJehova uyokwahlulela abantu bakhe+Uyodabuka ngezinceku zakhe,+Ngoba uyobona ukuthi uzime lunyamaleleKusele ongakwazi ukuzisiza nongenanzuzo.
37 Ngokuqinisekile uyothi, ‘Baphi onkulunkulu babo,+Idwala abafuna kulo isiphephelo,+
38 Ababedla amanoni emihlatshelo yabo,+Bephuza iwayini leminikelo yabo yokuphuzwayo?+Mabavuke banisize.+Mababe indawo yenu yokucasha.+
39 Bhekani manje ukuthi mina—mina nginguye+Futhi abekho onkulunkulu abakanye nami.+Ngiyabulala, ngiphilise.+Ngilimazile+ kakhulu, futhi mina—mina ngizophulukisa,+Akekho ohlwithayo esandleni sami.+
40 Ngoba ngiphakamisela isandla sami ezulwini ngifunga,+Ngithi: “Kuphila kwami kuze kube nini nanini,”+
41 Uma impela ngilola inkemba yami ebenyezelayo,+Nesandla sami sibambelela ekwahluleleni,+Ngizobuyisela impindiselo kwabaphikisana nami+Ngiphindisele kulabo abangizonda kakhulu.+
42 Ngizodakisa imicibisholo yami ngegazi,+Inkemba yami yona izodla inyama,+Kanye negazi lababuleweyo nezithunjwa,Namakhanda abaholi besitha.’+
43 Thokozani nina zizwe, kanye nesizwe sakhe,+Ngoba uyophindisela igazi lezinceku zakhe,+Futhi uyophindisela kwabaphikisana naye+Awenzele impela isihlawulelo umhlabathi wesizwe sakhe.”
44 Ngakho uMose weza wawakhuluma wonke amazwi ale ngoma abantu bezwa,+ yena noHosheya indodana kaNuni.+
45 Ngemva kokuba uMose eseqedile ukukhuluma wonke la mazwi ku-Israyeli wonke,
46 waqhubeka wathi kuye: “Gxilisani izinhliziyo zenu kuwo wonke amazwi engiwakhuluma kini nginixwayisa namuhla,+ ukuze niyale abantwana benu ukuba baqaphele ukuwenza wonke amazwi alo mthetho.+
47 Ngoba akulona izwi elingasizi ngalutho kini,+ kodwa lisho ukuphila kwenu,+ futhi ngaleli zwi ningazandisa izinsuku zenu ezweni eniwela iJordani ukuyolithatha.”+
48 UJehova wakhuluma noMose ngalo lolu suku olufanayo, wathi:
49 “Yenyukela kule ntaba yase-Abharimi,+ iNtaba iNebo,+ esezweni lakwaMowabi, ebheké ngaseJeriko, ubone izwe laseKhanani, engilinika abantwana bakwa-Israyeli njengefa.+
50 Khona-ke ufele kule ntaba onyukela kuyo, ubuthelwe kubantu bakini,+ njengoba nje no-Aroni umfowenu afela eNtabeni yaseHori+ wabuthelwa kubantu bakubo;
51 ngenxa yokuthi nina madoda anisinakanga isibopho senu kimi+ phakathi kwabantwana bakwa-Israyeli emanzini aseMeriba+ laseKadeshi ehlane laseZini; ngenxa yokuthi nina madoda anizange ningingcwelise phakathi kwabantwana bakwa-Israyeli.+
52 Ngoba uzolibona leli zwe ukude, kodwa ngeke ungene ezweni engilinika abantwana bakwa-Israyeli.”+
