2 IziKronike 4:1-22
4 Khona-ke wenza i-altare lethusi,+ ubude balo buyizingalo ezingamashumi amabili, ububanzi balo buyizingalo ezingamashumi amabili, futhi ukuphakama kwalo kuyizingalo eziyishumi.+
2 Wenza ulwandle olubunjiwe+ lwaba yizingalo eziyishumi kusuka komunye umphetho walo kuya komunye, luyisiyingi nxazonke, ukuphakama kwalo kuyizingalo ezinhlanu, futhi kwakuthatha umucu oyizingalo ezingamashumi amathathu ukulujikeleza lonke.+
3 Kwakukhona okufana nemihlobiso emise okwamaselwa+ ngaphansi kwalo nxazonke, kuluzungezile, okuyishumi engalweni eyodwa, kuhaqe ulwandle nxazonke.+ Imihlobiso emise okwamaselwa yayiyizinhlu ezimbili, ibunjwe ekubunjweni kwalo.
4 Lwaluphezu kwezinkunzi eziyishumi nambili,+ ezintathu zibheke enyakatho nezintathu zibheke entshonalanga nezintathu zibheke eningizimu nezintathu zibheke empumalanga; ulwandle lwalungenhla ngaphezu kwazo, ingemuva lazo zonke lingaphakathi.+
5 Uhlonze lwalo lwalungububanzi besandla; umphetho walo wawenziwe njengomphetho wendebe, imbali yomnduze.+ Njengesitsha, lwalungaqukatha+ amabhathi+ ayizinkulungwane ezintathu.
6 Ngaphezu kwalokho, wenza imicengezi eyishumi, wabeka emihlanu ngakwesokunene nemihlanu ngakwesobunxele,+ ukuze kugezelwe kuyo.+ Izinto ezihlangene nomnikelo wokushiswa+ babeziyakaza kuyo. Kodwa ulwandle lwalungolwabapristi ukuba bageze kulo.+
7 Khona-ke wenza izinti zezibani+ zegolide, eziyishumi ngomklamo ofanayo,+ wazibeka ethempelini, ezinhlanu ngakwesokunene nezinhlanu ngakwesobunxele.+
8 Ngaphezu kwalokho, wenza amatafula ayishumi, wawamisa ethempelini, amahlanu ngakwesokunene namahlanu ngakwesobunxele,+ futhi wenza izitsha zegolide eziyikhulu.
9 Khona-ke wenza igceke+ labapristi+ nendawo enkulu ebiyelwe+ neminyango yendawo ebiyelwe, izicabha zayo wazinameka ngethusi.
10 Ulwandle lona walubeka ohlangothini olungakwesokunene, empumalanga, kuya ngaseningizimu.+
11 Ekugcineni uHiramu wenza amakani+ namahalavu+ nezitsha.+
Ngakho uHiramu waqeda ukwenza umsebenzi ayewenzela iNkosi uSolomoni endlini kaNkulunkulu weqiniso.
12 Izinsika ezimbili+ nezihloko+ eziyindilinga phezu kwezihloko zezinsika ezimbili namanetha amabili+ okumboza izihloko ezimbili eziyindilinga ezaziphezu kwezihloko zezinsika
13 namahalananda angamakhulu amane+ ala manetha amabili, izinhlu ezimbili zamahalananda enetheni ngalinye ukuze zimboze izihloko ezimbili eziyindilinga ezaziphezu kwezinsika,+
14 namakalishi ayishumi+ nemicengezi eyishumi+ phezu kwamakalishi;
15 ulwandle+ olulodwa nezinkunzi eziyishumi nambili ngaphansi kwalo,+
16 namakani namahalavu+ nezimfoloko+ nazo zonke izinto zawo+ uHiramu-abivi+ wakwenzela iNkosi uSolomoni ukuba kube okwendlu kaJehova, ngethusi eliphucuziwe.
17 Inkosi yakubumbela eSifundeni SaseJordani emhlabathini owugqinsi phakathi kweSukoti+ neZereda.+
18 Ngakho uSolomoni wazenza zonke lezi zinto zaba ziningi kakhulu, ngoba isisindo sethusi asizange sitholwe.+
19 USolomoni wenza zonke izinto+ ezazisendlini kaNkulunkulu weqiniso ne-altare legolide+ namatafula+ ayenesinkwa sokubukwa phezu kwawo,
20 nezinti zezibani+ nezibani zazo+ zegolide elihlanzekile, ukuze zikhanyiswe phambi kwekamelo elingaphakathi impela+ ngokuvumelana nomthetho;
21 nezimbali nezibani nezindlawu zezintambo zezibani,+ ngegolide, (kwakuyigolide elihlanzeke kunalo lonke,)
22 nezicimo nezitsha nezindebe nemicengezi yomlilo, ngegolide elihlanzekile,+ nomnyango wendlu,+ izicabha zayo zangaphakathi zeNgcwelengcwele nezicabha+ zendlu yethempeli, ngegolide.
