2 IziKronike 36:1-23
36 Khona-ke abantu bezwe bathatha uJehowahazi+ indodana kaJosiya bambeka inkosi esikhundleni sikayise eJerusalema.+
2 UJehowahazi wayeneminyaka engamashumi amabili nantathu lapho eqala ukubusa, wabusa izinyanga ezintathu eJerusalema.+
3 Nokho, inkosi yaseGibhithe yamsusa eJerusalema+ futhi yahlawulisa izwe amathalenta esiliva+ ayikhulu nethalenta legolide.
4 Ngaphezu kwalokho, inkosi+ yaseGibhithe yabeka u-Eliyakimi+ umfowabo inkosi phezu kukaJuda neJerusalema futhi yashintsha igama lakhe laba nguJehoyakimi; kodwa umfowabo uJehowahazi uNekho+ wamthatha wamyisa eGibhithe.+
5 UJehoyakimi+ wayeneminyaka engamashumi amabili nanhlanu lapho eqala ukubusa, wabusa iminyaka eyishumi nanye eJerusalema;+ wenza okubi emehlweni kaJehova uNkulunkulu wakhe.+
6 UNebukhadinezari+ inkosi yaseBhabhiloni wakhuphuka+ wamelana naye ukuze ambophe ngezibopho ezimbili zethusi futhi amuke naye amyise eBhabhiloni.+
7 Ezinye zezinto+ zendlu kaJehova uNebukhadinezari+ waziyisa eBhabhiloni wayesezibeka esigodlweni sakhe eBhabhiloni.+
8 Ngokuqondene nazo zonke ezinye izindaba+ zikaJehoyakimi nezinto zakhe ezinengekayo+ azenza nalokho okwakutholakala okumelene naye, bheka kulotshiwe eNcwadini+ Yamakhosi Akwa-Israyeli NawakwaJuda; uJehoyakini+ indodana yakhe wabusa esikhundleni sakhe.
9 UJehoyakini+ wayeneminyaka eyishumi nesishiyagalombili lapho eqala ukubusa, wabusa izinyanga ezintathu+ nezinsuku eziyishumi eJerusalema; wenza okubi emehlweni kaJehova.+
10 Ekuphendukeni+ konyaka iNkosi uNebukhadinezari yathumela+ ukuba alethwe eBhabhiloni+ nezinto ezifiselekayo zendlu kaJehova.+ Ngaphezu kwalokho, yabeka uZedekiya+ umfowabo kayise inkosi phezu kukaJuda neJerusalema.+
11 UZedekiya+ wayeneminyaka engamashumi amabili nanye lapho eqala ukubusa, wabusa iminyaka eyishumi nanye eJerusalema.+
12 Wenza okubi+ emehlweni kaJehova uNkulunkulu wakhe. Akazange azithobe+ phambi kukaJeremiya+ umprofethi+ ngomyalo kaJehova.
13 Wadlubulunda ngisho naseNkosini uNebukhadinezari,+ eyayimfungise uNkulunkulu;+ waqhubeka eqinisa+ intamo futhi eyenza lukhuni+ inhliziyo yakhe ukuze angabuyeli kuJehova uNkulunkulu ka-Israyeli.
14 Ngisho nazo zonke izinduna zabapristi+ nabantu ngokwabo benza ukungathembeki ngezinga elikhulu, ngokwazo zonke izinto ezinengekayo+ zezizwe, kangangokuba bayingcolisa indlu kaJehova ayeyingcwelisile eJerusalema.+
15 UJehova uNkulunkulu wokhokho babo waqhubeka ethumela kubo ngezithunywa zakhe,+ ethumela ngokuphindaphindiwe, ngoba waba nobubele ngabantu bakhe+ nangendawo yakhe yokuhlala.+
16 Kodwa babelokhu betekula+ ngezithunywa zikaNkulunkulu weqiniso bedelela amazwi akhe+ futhi bebahleka usulu+ abaprofethi bakhe, uJehova waze wabathukuthelela+ abantu bakhe, kwaze kwangaba bikho kuphulukiswa.+
17 Ngakho wabalethela inkosi yamaKhaledi,+ eyabulala izinsizwa zabo ngenkemba+ endlini yendlu yabo engcwele,+ ayibanga nabubele ngansizwa noma ngantombi, ngamuntu omdala noma ngoxhwalile.+ Wanikela konke esandleni sayo.
18 Zonke izinto,+ ezinkulu+ nezincane, zendlu kaNkulunkulu weqiniso nengcebo+ yendlu kaJehova nengcebo yenkosi+ neyezikhulu zayo, konke yakuletha eBhabhiloni.
19 Yashisa indlu kaNkulunkulu weqiniso+ futhi yadiliza udonga+ lwaseJerusalema; yonke imibhoshongo yalo yokuhlala bayishisa ngomlilo nazo zonke izinto zalo ezifiselekayo,+ ukuze babangele incithakalo.+
20 Ngaphezu kwalokho, yathumba abaseleyo enkembeni yabayisa eBhabhiloni,+ baba yizinceku zayo+ nezabantwana bayo kwaze kwaqala ukubusa ubukhosi basePheresiya;+
21 ukuze kugcwaliseke izwi likaJehova ngomlomo kaJeremiya,+ kuze kube yilapho izwe selikhokhe amasabatha alo.+ Zonke izinsuku lihleli liyincithakalo laligcina isabatha, ukuze kuphelele iminyaka engamashumi ayisikhombisa.+
22 Ngonyaka wokuqala kaKoresi+ inkosi yasePheresiya,+ ukuze kufezeke izwi likaJehova+ ngomlomo kaJeremiya,+ uJehova wavusa umoya+ kaKoresi inkosi yasePheresiya, wadlulisa isimemezelo kanye nombhalo,+ kuwo wonke umbuso wakhe, sithi:
23 “Yilokhu uKoresi inkosi yasePheresiya+ akushilo, ‘UJehova uNkulunkulu wamazulu uyiniké mina,+ yonke imibuso yomhlaba futhi yena ngokwakhe ungithumé ukuba ngimakhele indlu eJerusalema, elikwaJuda.+ Noma ubani phakathi kwenu kubo bonke abantu bakhe,+ uJehova uNkulunkulu wakhe makabe naye.+ Ngakho makakhuphuke.’”+
