2 IziKronike 26:1-23
26 Khona-ke bonke abantu+ bakwaJuda bathatha u-Uziya,+ eneminyaka eyishumi nesithupha ubudala, bambeka+ inkosi esikhundleni sikayise u-Amaziya.+
2 Nguye owalakha kabusha i-Eloti+ wayeselibuyisela kuJuda ngemva kokuba inkosi isilele nokhokho bayo.+
3 Wayeneminyaka eyishumi nesithupha u-Uziya+ lapho eqala ukubusa, wabusa eJerusalema iminyaka engamashumi amahlanu nambili. Igama likanina kwakunguJekoliya+ waseJerusalema.
4 Wayelokhu enza okulungile emehlweni kaJehova,+ ngokuvumelana nakho konke u-Amaziya uyise ayekwenzile.+
5 Waqhubeka ethambekele ekufuneni+ uNkulunkulu ezinsukwini zikaZakariya, umfundisi wokwesaba uNkulunkulu weqiniso;+ futhi, ezinsukwini zokufuna kwakhe uJehova, uNkulunkulu weqiniso wamenza wachuma.+
6 Waphuma walwa namaFilisti+ wafohla udonga lwaseGati+ nodonga lwaseJabine+ nodonga lwase-Ashidodi,+ ngemva kwalokho wakha imizi endaweni yase-Ashidodi+ naphakathi kwamaFilisti.
7 UNkulunkulu weqiniso waqhubeka emsiza+ ekulweni namaFilisti nasekulweni nabase-Arabhiya+ ababehlala eGuribhali namaMeyuni.+
8 Ama-Amoni+ anika u-Uziya inkokhiso.+ Ekugcineni udumo+ lwakhe lwaze lwafika ngisho naseGibhithe, ngoba wabonisa amandla ngezinga elingaphezu kwelivamile.
9 Ngaphezu kwalokho, u-Uziya wakha imibhoshongo+ eJerusalema ngaseSangweni Legumbi+ nangaseSangweni Lesigodi+ nangaseNqutshini, wayiqinisa.
10 Ngaphezu kwalokho, wakha imibhoshongo+ ehlane, wemba imithombo eminingi (ngoba waba nemfuyo eningi), naseShefela+ nasezweni elindlalekile. Kwakukhona abalimi nabagcini-zivini ezintabeni naseKarmeli, ngoba waba umthandi wezolimo.
11 Ngaphezu kwalokho, u-Uziya waba nebutho elilwa impi, eliphuma impi ngamaviyo,+ ngesibalo sokubhaliswa kwalo+ ngesandla sikaJeheyeli unobhala+ noMahaseya isikhulu esingaphansi kokulawula+ kukaHananiya wezikhulu zenkosi.+
12 Sisonke isibalo sezinhloko zezindlu zoyise,+ samadoda angamaqhawe,+ anamandla,+ sasiyizinkulungwane ezimbili namakhulu ayisithupha.
13 Ngaphansi kokulawula kwazo amabutho empi ayengamadoda ayeyizinkulungwane ezingamakhulu amathathu nesikhombisa namakhulu amahlanu alwa impi anamandla ebutho lempi ukuze asize inkosi ekulweni nesitha.+
14 U-Uziya wawalungiselela, lonke ibutho, izihlangu+ nezijula+ nezigqoko zokuzivikela+ namajazi ensimbi+ neminsalo+ namatshe endwayimane.+
15 Ngaphezu kwalokho, wenza imishini yempi eJerusalema, eyayisungulwe ngonjiniyela, ukuze ibe phezu kwemibhoshongo+ naphezu kwamagumbi, yokucibishela imicibisholo nokujikijela amatshe amakhulu. Ngenxa yalokho udumo lwakhe+ lwaphumela emajukujukwini, ngoba wasizwa ngokumangalisayo waze waba namandla.
16 Nokho, kwathi nje lapho esenamandla, inhliziyo yakhe yazidla+ kwaze kwaba seqophelweni lokubangela incithakalo,+ kangangokuba wenza isenzo sokungathembeki kuJehova uNkulunkulu wakhe wangena ethempelini likaJehova ukuba ashise impepho e-altare lempepho.+
17 Masinyane u-Azariya umpristi nabapristi bakaJehova ababekanye naye, amadoda angamaqhawe angamashumi ayisishiyagalombili, bangena ngemva kwakhe.
18 Khona-ke bamelana no-Uziya inkosi+ bathi kuye: “O Uziya, akuwona umsebenzi wakho,+ ukushisela uJehova impepho, kodwa kuwumsebenzi wabapristi amadodana ka-Aroni,+ angcwelisiwe, ukushisa impepho. Phuma endlini engcwele; ngoba ukungathembeki lokhu okwenzile, futhi akwenzi nakancane ukuba uJehova uNkulunkulu akukhazimulise.”+
19 Kodwa u-Uziya wafutheka+ ephethe umcengezi+ wokushisa impepho, futhi, ngesikhathi esafuthekele abapristi, kwavela+ uchoko+ ebunzini lakhe phambi kwabapristi endlini kaJehova eceleni kwe-altare lempepho.
20 Lapho u-Azariya umpristi omkhulu nabo bonke abapristi bephendukela kuye, bheka, wayeseshaywe ngochoko ebunzini lakhe!+ Ngakho bamsusa lapho bethukile, naye ngokwakhe washesha waphuma, ngoba uJehova wayesemshayile.+
21 U-Uziya+ inkosi waqhubeka engonochoko kwaze kwaba sosukwini lokufa kwakhe, waqhubeka ehlala endlini ekhululiwe emisebenzini, njengonochoko;+ ngoba wayehlukanisiwe nendlu kaJehova, kuyilapho uJothamu indodana yakhe engamele indlu yenkosi, ahlulela abantu bezwe.
22 Zonke ezinye izindaba zika-Uziya,+ ezokuqala nezokugcina, zilotshwe u-Isaya+ indodana ka-Amozi+ umprofethi.
23 Ekugcineni u-Uziya walala nokhokho bakhe; ngakho wangcwatshwa kanye nokhokho bakhe, kodwa ensimini yokungcwaba yamakhosi,+ ngoba bathi: “Ungonochoko.” UJothamu+ indodana yakhe wabusa esikhundleni sakhe.
