Kusukela ngo-January 2013, i-Phaphama! ne-Nqabayokulinda yomphakathi izoba namakhasi angu-16 iyinye, ngeke esaba u-32.

Ngenxa yokuthi lab’omagazini sebezoba namakhasi ambalwa, abahumushi bazokwazi ukubahumushela ezilimini eziningi. Ngokwesibonelo, i-Phaphama! ka-December 2012 yahunyushwa ngezilimi ezingu-84, kwathi INqabayokulinda ka-December 2012 yahunyushwa ngezingu-195. Nokho, kusukela ngo-January 2013, i-Phaphama! izohunyushwa ngezilimi ezingu-98, INqabayokulinda ihunyushwe ngezingu-204.

INqabayokulinda efundwayo izolokhu inamakhasi angu-32.

Ayancipha Amakhasi Anyatheliswayo—Ayanda Kuyi-Internet

Ukushintsha komagazini bethu abanyathelisiwe kuzokwenza izinguquko ezimbili nasengosini yethu i-www.jw.org.

1. Ezinye zezihloko ebezivela kumagazini onyathelisiwe sezizovela kuphela kuyi-Internet. Ngokwesibonelo, esithi “Ezentsha,” “Izifundo Zami ZeBhayibheli” nombiko wokuthweswa kweziqu eGileyadi obuvela kuyi-Nqabayokulinda yomphakathi, nesithi “Ukubukeza Komkhaya” nesithi “Intsha Iyabuza” kuyi-Phaphama! sezizotholakala kuphela kuyi-Internet.

2. Izihloko ezikuyi-Nqabayokulinda ne-Phaphama! enyathelisiwe zizotholakala nasezintweni ezinjengomakhalekhukhwini. Kuyo yonke le minyaka, ama-PDF e-Nqabayokulinda ne-Phaphama! abefakwa kuyi-Internet engosini ethi www.jw.org. Manje lab’omagazini sebetholakala nge-format ye-HTML, okwenza kube lula ukubathola nokubafunda kuyi-computer noma kumakhalekhukhwini. Kuzoba lula nokuthola ezinye izincwadi zethu, ezitholakala kuyi-Internet ngezilimi ezingaba ngu-400.