Dlulela kokuphakathi

Dlulela ohlwini lokuphathi

OFakazi BakaJehova

Khetha ulimi IsiZulu

Izimpendulo Zemibuzo YeBhayibheli

Izimpendulo Zemibuzo YeBhayibheli

Ingabe zonke izinkolo zidumisa uNkulunkulu?

Lapho ulalela izindaba kungenzeka uye waphawula ukuthi ngezinye izikhathi izinto ezimbi zenziwa egameni lenkolo. Akuzona zonke izinkolo ezivela kuNkulunkulu weqiniso. (Mathewu 7:15) Impela, abantu abaningi badukisiwe.—Funda eyoku-1 Johane 5:19.

Noma kunjalo, uNkulunkulu uyababona abantu abaqotho abathanda okulungile neqiniso. (Johane 4:23) UNkulunkulu umema abantu abanjalo ukuba bafunde iqiniso eZwini lakhe iBhayibheli.—Funda eyoku-1 Thimothewu 2:3-5.

Ungayibona kanjani inkolo yeqiniso?

UJehova uNkulunkulu uhlanganisa abantu abavela ezinkolweni eziningi ngokubafundisa iqiniso nangokubafundisa ukuthandana. (Mika 4:2, 3) Ngakho, abantu abasenkolweni yeqiniso ungababona ngendlela abathandana ngayo.—Funda uJohane 13:35.

UJehova uNkulunkulu uhlanganisa zonke izinhlobo zabantu ngokukhulekela kweqiniso.—IHubo 133:1

Abakhulekeli beqiniso basekela ukholo lwabo nendlela yabo yokuphila eBhayibhelini. (2 Thimothewu 3:16) Baphinde badumisa igama likaNkulunkulu. (IHubo 83:18) Bafundisa nokuthi uMbuso kaNkulunkulu uwukuphela kwethemba labantu. (Daniyeli 2:44) Balingisa uJesu ngokuvumela ‘ukukhanya kwabo kukhanye,’ ngokwenza okuhle komakhelwane babo. (Mathewu 5:16) Ngakho, amaKristu eqiniso angabonakala ngokuvakashela abantu emizini yabo ukuze akhulume nabo ngezindaba ezinhle zoMbuso kaNkulunkulu.—Funda uMathewu 24:14; IzEnzo 5:42; 20:20.