Dlulela kokuphakathi

Dlulela kuyi-menu yesibili

Dlulela ohlwini lokuphathi

OFakazi BakaJehova

IsiZulu

Ungaba Umngane KaNkulunkulu!

 ISIFUNDO 1

UNkulunkulu Ucela Ukuba Ube Umngane Wakhe

UNkulunkulu Ucela Ukuba Ube Umngane Wakhe

UNkulunkulu ufuna ube umngane wakhe. Wake wacabanga ukuthi ungaba umngane woMuntu omkhulu kunabo bonke ezulwini nasemhlabeni? U-Abrahama, owayephila endulo, wayebizwa ngokuthi ungumngane kaNkulunkulu. (Jakobe 2:23) Nabanye okukhulunywa ngabo eBhayibhelini bajabulela ubungane noNkulunkulu futhi babusiswa kakhulu. Namuhla, kuzo zonke izingxenye zomhlaba abantu baye baba abangane bakaNkulunkulu. Nawe ungaba umngane kaNkulunkulu.

Ukuba umngane kaNkulunkulu kungcono kunokuba umngane wanoma yimuphi umuntu. UNkulunkulu akabadumazi nanini abangane bakhe abathembekile. (IHubo 18:25) Ukuba umngane kaNkulunkulu kungcono kunokuba nengcebo. Lapho isigwili sifa, imali yaso iya kwabanye. Kodwa labo abangabangane noNkulunkulu banegugu abangeke baliphucwe muntu.—Mathewu 6:19.

Abanye abantu bangase bazame ukukuyekisa ukufunda ngoNkulunkulu. Ngisho nabanye babangane bakho nabomndeni wakho bangase bakwenze lokhu. (Mathewu 10:36, 37) Uma abanye bekuhleka noma bekwesabisa, zibuze, ‘Ubani engifuna ukumjabulisa—abantu noma uNkulunkulu?’ Cabanga ngalokhu: Uma othile ebengathi kuwe yeka ukudla, ubungamlalela? Ubungeke! Uyakudinga ukudla ukuze uphile. Kodwa uNkulunkulu angakwenza uphile phakade! Ngakho ungavumeli muntu akuyekise ukufunda indlela yokuba umngane kaNkulunkulu.—Johane 17:3.