Dlulela kokuphakathi

Dlulela kuyi-menu yesibili

Dlulela ohlwini lokuphathi

OFakazi BakaJehova

IsiZulu

INcwajana YoMhlangano Wokuphila Nenkonzo  |  June 2016

 AMAGUGU AVELA EZWINI LIKANKULUNKULU | AMAHUBO 34-37

Thembela KuJehova Wenze Okuhle

Thembela KuJehova Wenze Okuhle

“Ungabi nomona ngabenza ukungalungi”

37:1, 2

  • Ungayivumeli impumelelo yesikhashana yababi ikuphazamise ekukhonzeni uJehova. Hlale ugxile ezibusisweni nasemigomweni engokomoya

“Thembela kuJehova wenze okuhle”

37:3

  • Qiniseka ukuthi uJehova uyokusekela kunoma yikuphi ukungabaza nokukhathazeka. Uyokusiza uhlale uthembekile

  • Zigcine umatasa ekushumayeleni izindaba ezinhle zoMbuso kaNkulunkulu

“Jabula kakhulu ngoJehova”

37:4

  • Hlela isikhathi sokufunda iZwi likaNkulunkulu futhi uzindle ngalo unomgomo wokwazi uJehova kangcono

“Gingqela indlela yakho kuJehova”

37:5, 6

  • Qiniseka ngokuphelele ukuthi uJehova uyokusiza ubhekane nanoma iyiphi inkinga

  • Qhubeka uziphethe kahle lapho uphikiswa, ushushiswa noma uqanjelwa amanga

“Thula phambi kukaJehova umlinde ngokulangazela”

37:7-9

  • Gwema izenzo zokuxhamazela ezingakulahlekisela ngenjabulo nokulondeka okungokomoya

“Abamnene bayodla ifa lomhlaba”

37:10, 11

  • Funa ubumnene futhi ulinde uJehova ngokuthobeka ukuba asuse konke ukungabi nabulungisa obhekene nabo

  • Sekela okholwa nabo futhi ududuze abacindezelekile ngesithembiso sezwe elisha likaNkulunkulu, eselisemnyango

UMbuso kaMesiya uzoletha izibusiso eziningi