IsiHlabelelo SeziHlabelelo 1:1-17
1 Isihlabelelo sezihlabelelo,* esingesikaSolomoni: +
2 “Kwangathi ungangiqabula ngomlomo wakho,Ngoba indlela obonisa ngayo uthando ingcono kunewayini. +
3 Amafutha akho anephunga elimnandi. +
Igama lakho linjengamafutha anuka kamnandi athululwayo. +
Yingakho izintombi zikuthanda.
4 Ngithathe ngihambe nawe;* masigijime.
Inkosi ingingenise emakamelweni ayo angaphakathi!
Masijabule sithokoze ndawonye.
Masikhulume* ngothando lwakho ngami, uthando lwakho lungcono kunewayini.
Bakuthanda* kufanele.
5 Ngimnyama kodwa ngimuhle, O madodakazi aseJerusalema,Njengamatende aseKhedari, + njengezindwangu zamatende + kaSolomoni.
6 Ningangigqolozeli ngoba ngimnyama,Ngoba ngishiswe ilanga.
Amadodana kamama ayengithukuthelele;Angimisa ukuba ngibe umlindi wamasimu amagilebhisi,Kodwa angibanga umlindi kweyami insimu yamagilebhisi.
7 Wena engikuthanda kakhulu ngitshele,Ukuthi udla kuphi umhlambi wakho, +Ukuthi uwulalisa kuphi emini.
Kungani kufanele ngibe njengowesifazane ozimboze ubuso*Phakathi kwemihlambi yabangane bakho?”
8 “Wena omuhle kakhulu phakathi kwabesifazane, uma ungazi,Hamba ulandele imikhondo* yomhlambiWeluse amazinyane akho ezimbuzi eduze kwamatende abelusi.”
9 “Sithandwa sami, ngikufanisa nehhashi* lensikazi eliphakathi kwezinqola zikaFaro. +
10 Izihlathi zakho zinhle njengoba ufake ubucwebe,*Nentamo yakho inemigexo yobuhlalu.
11 Sizokwenzela imihlobiso* yegolideEfakwe isiliva.”
12 “Njengoba inkosi ihleli etafuleni layo eliyisiyingi,Amakha ami + akhipha iphunga elimnandi.
13 Isithandwa sami sinjengesikhwama semure kimi +Sichitha ubusuku bonke sisemabeleni ami.
14 Isithandwa sami sinjengesitshalo esinuka kamnandi kimi *+Phakathi kwamasimu amagilebhisi ase-Eni-gedi.” +
15 “Waze wamuhle sithandwa sami.
Ave umuhle! Amehlo akho awamajuba.” +
16 “Lalela! Umuhle sithandwa sami futhi umnandi. +
Umbhede wethu uphakathi kwamahlamvu.
17 Izingodo zendlu yethu* ezomsedari,Uphahla lwethu olwezihlahla zomjunipha.
Imibhalo yaphansi
^ Noma, “Ingoma enhle kakhulu.”
^ NgesiHebheru, “Ngidonse ngikulandele.”
^ Noma, “Masixoxe.”
^ Okuwukuthi, izintombi.
^ Noma, “ngendwangu egqokwa abalilayo.”
^ Noma, “ezinyathelweni.”
^ Noma, “nehhashi lami.”
^ Noma kungaba, “phakathi kwamagoda ezinwele.”
^ Noma, “imiqhele.”
^ Noma, “sinjengehena.”
^ Noma, “yethu enhle.”
