AmaHubo 145:1-21

  • Dumisani uNkulunkulu, iNkosi enkulu

    • ‘Ngizomemezela ngobukhulu bukaNkulunkulu’ (6)

    • “UJehova muhle kubo bonke” (9)

    • “Abantu bakho abaqotho bayokudumisa” (10)

    • Ubukhosi bukaNkulunkulu baphakade (13)

    • Isandla sikaNkulunkulu sanelisa yonke into (16)

Ingoma kaDavide yokudumisa. א [Aleph] 145  Ngizokuphakamisa, Nkulunkulu wami Nkosi, +Ngizolidumisa igama lakho kuze kube phakade naphakade. + ב [Beth]   Usuku lonke ngizokudumisa; +Ngizolidumisa igama lakho kuze kube phakade naphakade. + ג [Gimel]   UJehova mkhulu futhi kumelwe adunyiswe kakhulu; +Ubukhulu bakhe abuphenyeki. *+ ד [Daleth]   Isizukulwane ngesizukulwane siyodumisa imisebenzi yakho;Siyolandisa ngezenzo zakho zamandla. + ה [He]   Siyokhuluma ngobukhazikhazi bobukhulu bakho +Ngizozindla ngemisebenzi yakho emangalisayo. ו [Waw]   Siyokhuluma ngezenzo* zakho ezimangalisayo,Ngizomemezela ngobukhulu bakho. ז [Zayin]   Ngeke siwuvale umlomo lapho sikhumbula ubukhulu bobuhle bakho, +Siyomemeza ngenjabulo ngenxa yokulunga kwakho. + ח [Heth]   UJehova unozwela* nesihe, +Uyephuza ukuthukuthela futhi lukhulu uthando lwakhe oluqotho. + ט [Teth]   UJehova muhle kubo bonke, +Isihe sakhe sibonakala kuyo yonke imisebenzi yakhe. י [Yod] 10  Yonke imisebenzi yakho iyokudumisa, Jehova, +Abantu bakho abaqotho bayokudumisa. + כ [Kaph] 11  Bayomemezela ngenkazimulo yobukhosi bakho +Bakhulume nangamandla akho, + ל [Lamed] 12  Ukuze benze izenzo zakho zamandla zaziwe kubantu +Nenkazimulo yobukhosi bakho. + מ [Mem] 13  Ubukhosi bakho buwubukhosi baphakade,Nombuso wakho uhlala kuzo zonke izizukulwane. + ס [Samekh] 14  UJehova usekela bonke abawayo +Uvusa bonke abakhotheme. + ע [Ayin] 15  Yonke indalo ibheka* kuwe ngethemba;Uyinika ukudla kwayo ngenkathi yako. + פ [Pe] 16  Uvula isandla sakhoWanelise isifiso sayo yonke into ephilayo. + צ [Tsade] 17  UJehova ulungile kuzo zonke izindlela zakhe +Uqotho kukho konke akwenzayo. + ק [Qoph] 18  UJehova useduze nabo bonke abambizayo, +Useduze nabo bonke abambiza ngeqiniso. *+ ר [Resh] 19  Wanelisa isifiso salabo abamesabayo; +Uyakuzwa ukukhalela kwabo usizo, abakhulule. + ש [Shin] 20  UJehova uqapha bonke abamthandayo, +Kodwa bonke ababi uyobabhuqa. + ת [Taw] 21  Umlomo wami uyokhuluma ngodumo lukaJehova; +Yonke into ephilayo mayidumise igama lakhe elingcwele kuze kube phakade naphakade. +

Imibhalo yaphansi

Noma, “abuqondakali.”
Noma, “ngamandla.”
Noma, “unomusa.”
Noma, “Wonke amehlo abheka.”
Noma, “ngobuqotho.”