Dlulela kokuphakathi

Dlulela ohlwini lokuphathi

OFakazi BakaJehova

Khetha ulimi IsiZulu

Zakariya 7:1-14

7  Ngaphezu kwalokho, kwathi ngonyaka wesine kaDariyu+ inkosi, izwi likaJehova lafika kuZakariya, ngosuku lwesine lwenyanga yesishiyagalolunye, okungukuthi, ngoKhisilevi.+  IBhethele lathuma uSharezeri noRegemi-meleki namadoda angaphansi kwakhe ukuba banxuse+ uJehova,  bethi kubapristi+ ababengabendlu kaJehova wamabutho, nakubaprofethi, yebo bethi: “Ngikhale yini ngenyanga yesihlanu,+ ngizile, ngendlela engenze ngayo kule minyaka eminingi kangaka?”+  Izwi likaJehova wamabutho lafika kimi, lathi:  “Yisho kubo bonke abantu bezwe nakubapristi, uthi, ‘Lapho nanizila ukudla+ futhi kukhona ukubangalasa ngenyanga yesihlanu nangenyanga yesikhombisa,+ lokhu nikwenza iminyaka engamashumi ayisikhombisa,+ ingabe ngempela nanizilela mina ukudla, yebo mina?+  Nalapho nanidla nalapho naniphuza, kwakungadli nina yini, futhi kwakungaphuzi nina yini?  Akufanele yini nilalele amazwi+ uJehova awamemezela ngabaprofethi bangaphambili,+ lapho iJerusalema lalakhiwe, likhululekile, lizungezwe imizi yalo nxazonke, nalapho iNegebhi+ neShefela+ kwakwakhiwe?’”  Izwi likaJehova laqhubeka lifika kuZakariya, lithi:  “Yilokhu uJehova wamabutho akushilo, ‘Yahlulelani ngobulungisa beqiniso;+ niqhube umusa wothando+ nesihe+ komunye nomunye; 10  ningaphambi mfelokazi+ noma intandane,+ umfokazi+ noma ohluphekile,+ futhi ningacebelani lutho olubi ezinhliziyweni zenu.’+ 11  Kodwa babelokhu benqaba ukulalela,+ baphekula ihlombe,+ izindlebe zabo bazenza zangasabela nhlobo ukuba zizwe.+ 12  Inhliziyo yabo+ bayimisa yaba njengetshe le-emeri ukuba bangawulaleli umthetho+ namazwi uJehova wamabutho awathumela ngomoya wakhe,+ ngabaprofethi bangaphambili;+ kangangokuba kwaba khona intukuthelo enkulu kuJehova wamabutho.”+ 13  “‘Ngakho njengoba ayebiza kodwa bengalaleli,+ ngakho babebiza kodwa ngingalaleli,’+ kusho uJehova wamabutho. 14  ‘Ngabajikijela ngokungathi ngesiphepho kuzo zonke izizwe+ ababengazazi;+ izwe lishiywé liyincithakalo ngemva kwabo, akukho muntu odabulayo futhi akukho muntu obuyayo;+ benza izwe elifiselekayo+ laba yinto eshaqisayo.’”

Imibhalo yaphansi