Numeri 25:1-18
25 Manje u-Israyeli wayehlala eShithimi.+ Khona-ke abantu baqala ukuziphatha kabi namadodakazi akwaMowabi.+
2 Laba besifazane beza bezobizela abantu emihlatshelweni yonkulunkulu babo,+ abantu baqala ukudla nokukhothamela onkulunkulu babo.+
3 Kanjalo u-Israyeli wazihlanganisa noBhali wasePheyori;+ intukuthelo kaJehova yaqala ukumvuthela u-Israyeli.+
4 Ngakho uJehova wathi kuMose: “Thatha bonke abayizinhloko zabantu ubachaye kuJehova+ elangeni, ukuze intukuthelo kaJehova ibuye ku-Israyeli.”
5 Khona-ke uMose wathi kubahluleli bakwa-Israyeli:+ “Ngamunye kini makabulale+ abantu bakubo abazihlanganise noBhali wasePheyori.”
6 Kodwa, bheka! indoda+ ethile kubantwana bakwa-Israyeli yeza, futhi yayisondela kubafowabo inowesifazane wakwaMidiyani+ phambi kwamehlo kaMose naphambi kwamehlo ayo yonke inhlangano yabantwana bakwa-Israyeli, ngesikhathi inhlangano ikhala emnyango wetende lokuhlangana.
7 Lapho nje uFinehasi+ indodana ka-Eleyazare indodana ka-Aroni umpristi ekubona lokhu, khona manjalo wasukuma phakathi kwenhlangano wathatha isijula.
8 Khona-ke wayilandela le ndoda yakwa-Israyeli wangena etendeni eliyingungu, wababhokoda bobabili isijula saphumela ngalé, indoda yakwa-Israyeli nowesifazane ezithweni zakhe zobulili. Khona-ke isishayo sanqamuka phezu kwabantwana bakwa-Israyeli.+
9 Abafa kulesi sishayo baba yizinkulungwane ezingamashumi amabili nane.+
10 Khona-ke uJehova wathi kuMose:
11 “UFinehasi+ indodana ka-Eleyazare indodana ka-Aroni umpristi ulunqandile ulaka lwami+ phezu kwabantwana bakwa-Israyeli ngokungakubekezeleli kwakhe ngokuphelele ukuba kube khona obangisana nami phakathi kwabo,+ kangangokuba angibaqothulanga abantwana bakwa-Israyeli ekuphikeleleni kwami ukufuna ukuzinikela kimi kuphela.+
12 Ngenxa yaleso sizathu yithi, ‘Bheka ngimnika isivumelwano sami sokuthula.
13 Siyoba yisivumelwano sobupristi kuze kube nini nanini kuye nasenzalweni yakhe ngemva kwakhe,+ ngenxa yokuthi akakubekezelelanga ukuba kube khona obangisana noNkulunkulu wakhe+ wabenzela isihlawulelo abantwana bakwa-Israyeli.’”+
14 Igama lendoda yakwa-Israyeli eyagwazwa yafa nowesifazane wakwaMidiyani kwakunguZimri indodana kaSalu, isikhulu+ sendlu kayise yabakwaSimeyoni.
15 Igama lowesifazane wakwaMidiyani owagwazwa wafa kwakunguKozibi indodakazi kaZuri;+ wayeyinhloko yemindeni yendlu kayise kwaMidiyani.+
16 Kamuva uJehova wakhuluma noMose, wathi:
17 “AbakwaMidiyani mabakhathazwe, futhi kumelwe nibabulale,+
18 ngoba bayanikhathaza ngalezi zenzo zabo zobuqili+ abazenzé kini ngobuqili endabeni yasePheyori+ nasendabeni kaKozibi+ indodakazi yesikhulu sakwaMidiyani, udadewabo owagwazwa wafa+ ngosuku lwesishayo ngenxa yendaba yasePheyori.”+
