Dlulela kokuphakathi

Dlulela ohlwini lokuphathi

OFakazi BakaJehova

Khetha ulimi IsiZulu

IsiHlabelelo seziHlabelelo 1:1-17

1  Isihlabelelo sezihlabelelo,+ esingesikaSolomoni:+  “Kwangathi anganganga ngokwanga komlomo wakhe,+ ngoba ukubonakaliswa kothando lwakho kungcono kunewayini.+  Amafutha+ akho anamakha amnandi. Igama lakho linjengamafutha athululwayo.+ Yingakho izintombi zikuthandile.  Ngidonse ngihambe nawe;+ masigijime. Inkosi ingingenisé emakamelweni ayo angaphakathi!+ Masijabule sithokoze ngawe. Masikhulume kakhulu ngokubonakaliswa kothando lwakho kunangewayini.+ Bakuthandé kufanele.+  “O nina madodakazi aseJerusalema,+ ngiyintombazane emnyama, kodwa ngimuhle, njengamatende aseKhedari,+ nokho futhi njengezindwangu zamatende+ kaSolomoni.  Ningangibuki ukuthi ngimnyamana, ngoba ilanga lingifusile. Amadodana kamama angithukuthelela; angimisa ukuba ngibe ngumlindi wezivini, nakuba esami isivini,+ esasingesami, ngingazange ngisilinde.  “O wena othandwe umphefumulo wami,+ ngitshele lapho welusela khona,+ lapho ulalisa khona umhlambi wezimvu emini. Kungani ngempela kufanele ngibe njengowesifazane ozisonge ngezokulila phakathi kwemihlambi yabangane bakho?”  “O wena omuhle kakhulu phakathi kwabesifazane,+ uma ungazi, phuma ulandele izinyathelo zemihlambi weluse amazinyane akho ezimbuzi eceleni kwamatabernakele abelusi.”  “O ntombazane engumngane wami,+ ngikufanisé nehhashi lami lensikazi ezinqoleni zikaFaro.+ 10  Izihlathi zakho zinhle phakathi kwamagoda ezinwele, intamo yakho ocwini lobuhlalu.+ 11  Sizokwenzela amasongo egolide,+ kanye namaqhosha esiliva.” 12  “Uma nje inkosi isesetafuleni layo eliyisiyingi, isipikenadi sami+ sithaphuke amakha aso.+ 13  Isithandwa sami sinjengesikhwama semure+ kimi; ubusuku bonke siyoba phakathi kwamabele ami.+ 14  Isithandwa sami sinjengehlukuzo lehena+ kimi, phakathi kwezivini zase-Eni-gedi.”+ 15  “Bheka! Umuhle ntombazane engumngane wami.+ Bheka! Umuhle. Amehlo akho ngawamajuba.”+ 16  “Bheka! Umuhle,+ sithandwa sami, futhi umnandi. Futhi umbhede wethu+ wenziwe ngamahlamvu. 17  Imishayo yendlu yethu enhle iyimisedari,+ izingodo zethu ziyimithi yomjunipha.

Imibhalo yaphansi