IHubo 26:1-12
ElikaDavide.
26 Ngahlulele,+ Jehova, ngoba mina ngihambé ngobuqotho bami,+Futhi ngithembelé kuJehova, ukuze ngingaxegezeli.+
2 Ngihlole, Jehova, ungivivinye;+Cwenga izinso zami nenhliziyo yami.+
3 Ngoba umusa wakho wothando uphambi kwamehlo ami,Futhi ngihambé ngeqiniso lakho.+
4 Angizange ngihlale nabantu abangebona abeqiniso;+Futhi angingeni nalabo abafihla lokho abayikho.+
5 Ngiyalizonda ibandla labenzi bokubi,+Futhi angihlali nababi.+
6 Ngizogeza izandla zami ngobumsulwa,+Futhi ngizozungeza i-altare lakho, Jehova,+
7 Ukuze ngenze ukubonga kuzwakale kakhulu,+Futhi ngimemezele yonke imisebenzi yakho emangalisayo.+
8 Jehova, ngiyithandile indawo yokuhlala yendlu yakho+Nendawo ehlala inkazimulo yakho.+
9 Ungawususi umphefumulo wami kanye nezoni,+Nokuphila kwami kanye nabantu abanecala legazi,+
10 Abazandla zabo zinokuziphatha okubi,+Nabasandla sabo sokunene sigcwele ukufumbathisa.+
11 Kepha mina, ngizohamba ngobuqotho bami.+Ngikhulule,+ ungibonise umusa.+
12 Unyawo lwami ngokuqinisekile luyokuma endaweni ehlelembekile;+Phakathi kwezihlwele ezibuthene ngiyomtusa uJehova.+
