IHubo 146:1-10
146 Dumisani uJah!+Dumisa uJehova, mphefumulo wami.+
2 Ngizomdumisa uJehova ngesikhathi sokuphila kwami.+Ngizomhubela uNkulunkulu wami uma nje ngisekhona.+
3 Ningabeki ithemba lenu ezicukuthwaneni,+Noma endodaneni yomuntu wasemhlabeni, okungekhona okwayo ukusindisa.+
4 Umoya wayo uyaphuma,+ iphindela emhlabathini wayo;+Ngalolo suku imicabango yayo iyashabalala.+
5 Uyajabula lowo olusizo lwakhe lunguNkulunkulu kaJakobe,+Othemba lakhe likuJehova uNkulunkulu wakhe,+
6 UMenzi wezulu nomhlaba,+Wolwandle, nowakho konke okukukho,+Ogcina ukuba neqiniso kuze kube nini nanini,+
7 Okhiphela abaphanjiwe isahlulelo,+Onika abalambile isinkwa.+UJehova ukhulula ababoshiwe.+
8 UJehova uvula amehlo abayizimpumputhe;+UJehova uvusa abakhotheme;+UJehova uthanda abalungile.+
9 UJehova uqapha abafokazi;+Ukhulula intandane nomfelokazi,+Kodwa indlela+ yababi uyayigwegwisa.+
10 UJehova uyoba yinkosi kuze kube nini nanini,+UNkulunkulu wakho, Ziyoni, esizukulwaneni ngesizukulwane.+Dumisani uJah!+
