IHubo 144:1-15
ElikaDavide.
144 Makatuswe uJehova iDwala lami,+Ofundisa izandla zami ukulwa,+Nofundisa iminwe yami impi;
2 Umusa wami wothando nesiphephelo sami,+Indawo yami ephakeme elondekile noMenzi wendlela yami yokuphunyuka,+Isihlangu+ sami naLowo engiphephelé kuye,+Othobisa izizwe ngaphansi kwami.+
3 O Jehova, uyini umuntu ukuba umqaphele,+Indodana yomuntu ofayo+ ukuba uyinake?
4 Umuntu ufana nomoya nje okhishwa ngamakhala;+Izinsuku zakhe zinjengethunzi elidlulayo.+
5 O Jehova, goba amazulu akho ukuze wehle;+Thinta izintaba ukuze zithunqe umusi.+
6 Khanyisa ngombani ukuze ubahlakaze;+Thumela imicibisholo yakho ukuze ubaphithizelise.+
7 Yelula izandla zakho usendaweni ephakeme;+Ngikhulule ungophule emanzini amaningi,+Esandleni sabezinye izizwe,+
8 Abamlomo wabo ukhulumé okungelona iqiniso+Nabasandla sabo sokunene siyisandla sokunene samanga.+
9 O Nkulunkulu, ngizokuhlabelelela ingoma entsha.+Ngikuhubele ngensimbi yomculo enezintambo eziyishumi,+
10 Wena onika amakhosi insindiso,+Okhulula inceku yakhe uDavide enkembeni elimazayo.+
11 Ngikhulule ungophule esandleni sabezinye izizwe,+Abamlomo wabo ukhulumé okungelona iqiniso+Nabasandla sabo sokunene siyisandla sokunene samanga,+
12 Abathi: “Amadodana ethu afana nezitshalo ezincane ezikhulile ebusheni bawo,+Amadodakazi ethu anjengamagumbi aqoshwé ngendlela yasesigodlweni,
13 Izingobo zethu zigcwele, zikhipha imikhiqizo enhlobonhlobo,+Imihlambi yethu yanda ngezinkulungwane, owodwa uba yizinkulungwane eziyishumi, ezitaladini zethu,
14 Izinkomo zethu ziyasindwa, azidabuki futhi aziphunzi,+Akukho ukukhala ezigcawini zethu.+
15 Bayajabula abantu okubahambela kanjalo!”Bayajabula abantu abaNkulunkulu wabo nguJehova!+
