Dlulela kokuphakathi

Dlulela kuyi-menu yesibili

OFakazi BakaJehova

IsiZulu

Kungani Abantu Befa?

Kungani Abantu Befa?

Impendulo YeBhayibheli

Kungokwemvelo ukuba sizibuze ukuthi kungani abantu befa, ikakhulukazi lapho kufa othile osondelene nathi. IBhayibheli lithi: “Udosi oluveza ukufa yisono.”1 Korinte 15:56.

Kungani bonke abantu bona futhi befa?

Abantu bokuqala u-Adamu no-Eva bafa ngenxa yokuthi bona kuNkulunkulu. (Genesise 3:17-19) Ukufa kwaba umphumela wokuvukela kwabo uNkulunkulu ngoba ukuye ‘umthombo wokuphila.’IHubo 36:9; Genesise 2:17.

U-Adamu wadlulisela ukungapheleli kwesono kuyo yonke inzalo yakhe. IBhayibheli lithi: “Kungakho, njengoba nje ngomuntu oyedwa isono sangena ezweni nokufa kwangena ngesono, futhi kanjalo ukufa kwasakazekela kubantu bonke ngenxa yokuthi bonke bonile.” (Roma 5:12) Abantu bayafa ngenxa yokuthi bonke bonile.Roma 3:23.

Indlela ukufa okuyoqedwa ngayo

UNkulunkulu uthembisa “ukugwinya ukufa kuze kube phakade.” (Isaya 25:8) Ukuze aqede ukufa kufanele asuse imbangela yakho, isono. UNkulunkulu uyokwenza lokhu ngoJesu Kristu, ‘oyosusa isono sezwe.’Johane 1:29; 1 Johane 1:7.