Güdeedi’ lo articül ni güle’i’

Güdeedi’ lo ṟohp ni sidnǒü

Xtestĭgü yahc Jehová

dîdzrie’

¿Sdzihñy dze ru ba nehx sdeedy noo nee lá?

¿Sdzihñy dze ru ba nehx sdeedy noo nee lá?

¿Bia lêü ṉîiʼ . . .

  • ... sé lá?

  • ... yac lá?

  • ... nâree lá?

 NI NE XDÎDZ DIOS

«Dios [...] gychê nzelo yame, no ba nehx siuʼr guilguhty, ni nehx gûntriixt yame, ni nehx gxû yame, no ba nehx siuʼ yôb.» (Revelación [Apocalipsis] 21:3, 4, Dios habla hoy.)

XNAHC RAGNǑÜ GAṈ NOO LÊÜ

Gaṉ noo saʼgru daque Dios rahp doḻ de gyre ni nahqsy ni rdeedy noo (Santiago 1:13).

Dios naṉme no gawieʼme ni gadeedy noo, nirieʼ rtsunsesiu guilrzaʼ ni rahp noo (Zacarías 2:8).

Cuiâs noo dze ni siâd ru ba nehx siuʼr mbehty ni gtsunee noo (Salmo 37:9-11).

 ¿NUU BIA NACU GLILAADZY NOO NI NE XDÎDZ DIOS LÁ?

Sé, nuu micze chohpu:

  • Dios neeladzyme nee ni rdeedy noo no gyre ni rtsôrsahc noo. ¿Xnahc buieʼ Jehová ru ptsôpsahc yame xguieedzyme bastsee lá? Xdîdz Dios neeü biôbu lême ru buieʼme sriěñy guieedzy yahc «ptsôpsahc» xguieedzyme (Jueces 2:18, Traducción del Nuevo Mundo).

    Dios nehx riuʼlaadzyme ru ruieʼme meñy yahc ni rtsôrsahc sa bynech. Lo Xdîdzme neeü: «neelaadzyme meñy rgaʼdy sa bynech ni nehx nsahpy mbehty» (Proverbios 6:16, 17).

  • Dios ndzii to to noo. Micze ṉî ihquiʼ lihzy naṉ «nee ni gasahquiʼ no ni rguʼ lî triixt», Jehová segahc naṉ lêü (2 Crónicas 6:29, 30, La Palabra de Dios para Todos).

    Dios ihquihñy xgobieern lehty gybôme gyre ni rtsu nee to to noo (Mateo 6:9, 10). Gabiahzga noo lêü, Dios gayagnǒ no guilndzii gyre meñy ni ga yo lême (Hechos 17:27; 2 Corintios 1:3, 4).

 BA GÜYUʼ DZE BNABDÎDZIʼ LÎ

¿Bia nacu rdê Dios ñahz rdeedy noo nee lá?

Gydziǎliʼ ni rcahpy Xdîdz Dios lo ROMANOS 5:12 no 2 PEDRO 3:9.