Güdeedi’ lo articül ni güle’i’

Güdeedi’ lo ṟohp ni sidnǒü

Güdeedi’ lo list de gyre ni sidnǒü

Xtestĭgü yahc Jehová

dîdzrie’

Notisy mos yahc ni siâd de Dios

 LECCIÓN 2

¿Dxuüwe Dios lá?

¿Dxuüwe Dios lá?

1. ¿Bia nacu rahp noo ni gtsô noo adoraar Dios lá?

Dios psâ gyre ni nuu. Nehx güyuʼ dze guhlme mbahñygahcmewe no nehx siuʼ dze sehtyme (Salmo 90:2). De lême siâd notisy mos yahc ni rdziǎl noo lo Bíibly (1 Timoteo 1:11). Xdîdz Dios néeü: «Jehová Ḏios no’; lihsie rahp de ni ihca’ guilrlesyguiaa no guilrsacbêy [...], porni lî psâ gyre ni nuu». Porni lême bydê guilmbahñy noo, lêsuwe lehsyme gtsô noo xdzîñy no gtsô noo adoraar (Revelación [Apocalipsis] 4:11.)

2. ¿Xnahque nac Dios lá?

Nehx ba güyuʼ dze ba buieʼ meñy Dios porni nacme to espíritu no nuume ma guiaa de noo, porni nac noo de biahl no dziht (Juan 1:18; 4:24).Per, bêy gysêdy noo xnahque nacme ru rüieʼ noo gyre ni psâme. Sca, gyre lo cuaṉahx no guiê yahc ni psâme rdêü dîdz ndziime noo no moodni nanme. Sehc, porni moodni xchoʼ gybâ no guidzyliee lêü rdê dîdz rahpme xchoʼ podeer. (Bîl Romanos 1:20.)

Sto xnahc nsaglo noo Dios lêwe ru rûl noo Bíibly. Lêü rnî xnahc rtsôme no meñy tsiâwy no meñy dirquihñy yahc, bia lêü rixihly lême no bia lêü yac, no bia rtsôme ru rüieʼme gyrehsy ni rahc. Sca ne Xdîdz Dios: «Jehová rûnlaadzyme no nacme Dios tsiâwy, nehx rdziaʼdzyme nguêlygaa no moodni rahpme guilndzii» (Salmo 103:8.)

3. ¿Rahp Dios to lee lá?

Jesús günî: «Dtǎd noo ni nuuiʼ gybâ, gac santificaar leeiʼ» (Mateo 6:9). Lêsuwe, micse nuu xtahl títl yahc par lême, Dios rahp to leeme. Xtahl mod rnî yame lêü, porni nuu xtahl dîdz yahc. Lo didzxtely lêwe Jehová, segahc rquihñy yame Yavé. Xdîdz Dios néeü: «Lî, leeiʼ Jehová, lihsie nuu ma guiaa lo gyre ni nuu lo guidzyliee» (Salmo 83:18 [82:19 lo sriěñy Bíibly yahc].)

Lo xtahl Bíibly yahc, ptsê yame leeme no títl yahc sca Dios o Señor. Per bastsee ru lêr bzâ yame Bíibly lee Dios güiâü bêy gahtsy míily buelt.  Ru Jesús blûme meñy lguiaa Dios, tiirc pquihñyme lee Xtǎdme. Jesús günî: «Nâ ba bluun leeiʼ lêyame, no gluura lêü» (Juan 17:26.)

4. ¿Rlaabylaadzy Dios noo lá?

Bêy dǎdrieʼ ni ndzii xîñy, Dios raglaadzy tsuu noo guuxt togahqsy

Bal Jehová ulihpu ndziime noo, ¿bia nacu rdême ñahs nuu xtahl ­ni rtsunee noo lá? Nuu meñy ne Dios rtêdyme nee noo lehty ganme blaty rtiplaadzy noo. Per niwe nehx ulíiü. Xdîdz Dios néeü: «No behch ni nahqsy Dios nehx [...] rtêdyme prueeb ndruhty» (Santiago 1:13.)

Jehová rdême ñahs cue noo bia lêü gtsô noo no dguilmbahñy noo. No ni mahp mos cue noo lêwe gtsô noo xdzîñyme ( Josué 24:15). Per nuu xtahl meñy yahc ni rbe gtsô ni nahqsy, lêsuwe gadahl ni dirquihñy. Ru rüieʼme ni nahqsie yahc rtsuneeü lême. Xdîdz Dios néeü: «Jehová buie’me xnahc mquiee bisdahl ni dirquihñy lo guidzyliee [...] no biôb leñy lidzydôme» (Génesis 6:5, 6.)

Jehová ndziime noo no raglaadzyme tsuu noo guuxt, lêsuwe nguêlygahc gybôme nee no ni dirquihñy yahc. Antsy gtsôméeü, nuu xtahl bia nacu gadême ñahs nuu ni rtsunee noo. Lo lección 8, gyboxñahsu lguiaa nirieʼ. (Bîl 2 Pedro 2:9 no 3:7, 13.)

5. ¿Xnahc bêy gydziñygahx noo Dios lá?

Jehová rdême ñahs gydziñygahx noo lême ru rtsô noo oración. Rlaabylaadzyme to to noo (Salmo 65:2; 145:18). Segahc, rsiâḻaadzyme dguilquiee noo no rüieʼme blaty gatsô noo por xdzîñyme, micse nuu buelt ngaṉu par noo. Lêsuwe, micse nac noo meñy guilquiee, bêy squelaadzyme noo. (Bîl Salmo 103:12-14 no Santiago 4:8.)

Dios bydê guilmbahñy noo, lêsuwe rahp noo ni guintsii noo lême bêy nehx nuur sto (Marcos 12:30). Ru rsêdy noo de Dios no rsobdîdz noo ni rnǎbme noo lêü rdê dîdz blaty ndzii noo lême. Xdîdz Dios néeü: «Nirieʼwe ni rdê dîdz ndzii noo Dios: bal gsobdîdz noo ni rnǎbme noo» (1 Juan 5:3). No ru rtsô noo lêü, mahp riuʼ noo gahx de lême. (Bîl 1 Timoteo 2:4.)