Güdeedi’ lo articül ni güle’i’

Güdeedi’ lo ṟohp ni sidnǒü

Güdeedi’ lo list de gyre ni sidnǒü

Xtestĭgü yahc Jehová

dîdzrie’

Notisy mos yahc ni siâd de Dios

 LECCIÓN 7

¿Bia lêü Xgobieern Dios lá?

¿Bia lêü Xgobieern Dios lá?

1. ¿Bia lêü Xgobieern Dios lá?

¿Bia nacu bêy ṉî noo nehx nuu sto rey bêy Jesús lá? (MARCOS 1:40-42.)

Lêwe to gobieern ni nuu gybâ. Nguêlygahc «gyniʼdiu no gybôü gyre gobieern yahc» ni nuu no gtsôü gyre ni rinbêy Dios gac lo Guidzyliee no gybâ (Daniel 2:44). Xgobieern Dios, nacu to ni gayâdz meñy lehty tsuu yame tosy lo Guidzyliee. ¿Dase nacu notisy mos yahc lá? (Bîl Mateo 6:9, 10 no 24:14.)

Bêygahc gyre gobieern rquihñu to meñy ni ndzubihqy lêü, Jehová güleme Xîñyme, Jesucristo, lehty gac Rey de Xgobieernme. (Bîl Revelación [Apocalipsis] 11:15.)

2. ¿Bia nacu nehx nuu sto rey bêy Jesús lá?

Nehx nuu sto rey bêy Xîñy Dios porni rahpme guilndzii no tiirc rtsôme guilguxtisy (Juan 1:14). Segahc, rahpme podeer lehty gagnǒme meñy, no ihquihñyméeü ru gtsôme gobernaar Guidzyliee desde gybâ. Lêsuwe ru biahs Jesús laht meñyguty yahc, siame gybâ, ru güliahsme ñahs xderech Dios xta ru ncaʼme autoridad lehty ntsôme gobernaar (Hebreos 10:12, 13). Were, Dios bydê autoridadwe lême. Xdîdz Dios néeü: «No bydê yame lême [Jesús] guilrtsô mdaad, guilrlesyguiaa, no gobieern, lehty gyre guieedzy yahc, grup nación yahc, no gyre lo clasy dîdz yahc gyre yame ntsô xdzîñyme» (Daniel 7:14.)

3. ¿Tsuu sriěñy meñy ni gtsô gobernaar no Jesús lá?

Bíibly néeü que Jesús gtsô gobernaar no to cuiib meñy ni rsobdîdz Dios. Lo Daniel 7:27 rnî lee yame santos. Meñy niěr güle Dios lehty ñahc santos lêyame guhc xʼapóstl yahc Jesús. Jehová xta ni naʼ gabéme mquiee no ngünâ yahc ni rahp guilrlilaadzy lehty gac yame santos. Bêygahc Jesús, meñyrieʼ yahc gybiʼ yame gybâ lǔx gaty yame no ihcaʼ yame to cuerp espirituaal. Xdîdz Dios néeü: «Modegahc nac ru gybahñy meñyguty yahc. [...] Rbiib lo cuerp de biahl, riahsu lo cuerp espirituaal» (1 Corintios 15:42,44). (Bîl Juan 14:2.)

 ¿Blǎ yame gybiʼ gybâ lá? Bíibly rnîü nac yame dôsy, Jesús günî lee yame «rebaño pequeño» (Lucas 12:32). Xdîdz Dios néeü que meñy yahc ni gtsô gobernaar tosy no Jesús lo Guidzyliee nac yame «144.000 ni güiâ leeme lo lquee yame no lee xtǎdme» (Revelación 14:1.)

4. ¿Bia güdeedy ru guhc coronaar Jesús lá?

Jesús guhc coronaar lo ihs 1914, ni niěr ptsôme gülôme Bindzǎb no xdemoony de gybâ no blême lêyame lo Guidzyliee. * No xchoʼ guilxyahn, Bindzǎb guslo bidnǒme probleem laht meñy yahc gydio lo guidzyliee (Revelación 12:7-10, 12). Desde dzewe, to to dze ma gaxiñy mod nuu meñy yahc. Ñuʼ xurôb yahc, guilguihdz yahc, guilrlahn no tely guieedzy no sto guieedzy gyre nirieʼ günî Xdîdz Dios ñahc no lêü gadê dîdz nguêlygahc Xgobieern Dios guistsiâwyü gyre ni gayahc lo Guidzyliee. (Bîl Lucas 21:7, 10, 11, 31.)

5. ¿Bia lêü gatsô Xgobieern Dios ni naʼ, no bia lêü gtsôü dze yahc ni siâd lá?

Xgobieern Dios gatohpu «xtahl meñy» de gyre nación yahc, porni meñy ni rsobdîdz lême galû yame xdîdzme meñy yahc gydio lo guidzyliee. Miyón yahc de mquiee no ngünâ gadê yame ñahs gatsô Jesús gobernaar lêyame. Gyre meñyrieʼ yahc gyleaa yame ru Xgobieern Dios gyniʼdy gyre ni dirquihñy ni nuu lo guidzyliee. Lêsuwe bal ne noo ihcaʼ noo laʼy yahc ni guidnǒ Xgobieern Dios, rahp noo ni gsobdîdz noo Jesús. (Bîl Revelación 7:9, 14, 16, 17.)

Ru Jesús gtsô gobernaar por di míily ihs, Xgobieern Dios gtsôü gyre ni binbêy Dios ñahc ru gusló gübahñy meñy lo guidzyliee. Guidzyliee gacu to paraís. Lǔxu, Jesús guidzguiatme Gobiernwe lo ñaa Xtǎdme (1 Corintios 15:24-26). ¿Riuʼlaadziʼ ñunǒiʼ dîdz dxuhch lguiaa gobiernrieʼ lá? (Bîl Salmo 37:10, 11, 29.)

 

^ par. 6 Bal riuʼlaadziʼ gaṉiʼ maasy lguiaa ni günî Xdîdz Dios ñahc lo ihs 1914, bîl págyn yahc 215 xta 218 lo líibr ¿Qué enseña realmente la Biblia?