Güdeedi’ lo articül ni güle’i’

Güdeedi’ lo ṟohp ni sidnǒü

Xtestĭgü yahc Jehová

dîdzrie’

¿Xnahc riueʼiʼ dze ni siâd lá?

¿Xnahc riueʼiʼ dze ni siâd lá?

¿Mod nuu meñy lo guidzyliee . . .

  • ... modehc tsuuü lá?

  • ... ma gydahl ni dirquihñy lá?

  • ... snihty gyre ni dirquihñy lá?

 NI NE XDÎDZ DIOS

«Dios gychê nzelo yame, no ba nehx siuʼr guilguhty, ni nehx siuʼ yame triixt ni nehx gxû yame no ba nehx siuʼ yôb. Gyre ni guhc ba güdeedy yahcu.» (Revelación [Apocalipsis] 21:3, 4, Traducción del Nuevo Mundo.)

XNAHC RAGNǑÜ GAṈ NOO LÊÜ

Gap noo dzîñy mos no gyxilynǒ noo lêü (Isaías 65:21-23).

Ba nehx sdeedy noo nee, no ba nehx saguree noo (Isaías 25:8; 33:24).

Tsuu noo guuxt togahqsy no dʼfamiily noo no meñy rquelaadzy noo lê (Salmo 37:11, 29).

 ¿NUU BIA NACU GLILAADZY NOO NI NE XDÎDZ DIOS LÁ?

Sé, nuu micze chohpu:

  • Dios gtsô ni ba günî. Lo Bíibly rnîü que Dios «gyreeü bêyu lême», porni rahpme xchoʼ podeer (Revelación 15:3). Por lêwe ru rdê xdîdzme guistsiâwyme lo guidzyliee no gacu to lgaar ni ulihpu mos, glilaadzy nooü porni bêy gtsômeeü. Mod ne Xdîdz Dios «nehx nuu mbehty ni ngaṉ par Dios» (Mateo 19:26).

  • Dios gabiazguial gac gyre ni ba günîme. Xdîdz Dios rnîü que Jehová gabiazguial guispahñy meñyguty yahc (Job 14:14, 15).

    Sehc rzaʼdu que Jesús xîñy Dios, psiaḻme meñy nguǐdz yahc ¿bia nacu ptsômeeü lá? Porni lêwe ni biuʼlaadzyme (Marcos 1:40, 41). Ni ptsô Jesús bydêü dîdz que xtǎdme Jehová sehc gabiazguial gagnǒme meñy yahc ni gaquihñy de lême (Juan 5:19).

    Lguiaa nirieʼ bêy glilaadzy noo, que Jehová no Jesús gabiazguial yame tsuu noo to lgaar ni ulihpu mos dze ni siâd (Salmo 72:12-14; 145:16; 2 Pedro 3:9).

 BA GÜYUʼ DZE BNABDÎDZIʼ LÎ

¿Xnahc tsigtsô Dios lo guidzylieerieʼ lehty tsuu noo ma mos lá?

Gydziǎliʼ ni rcahpy Xdîdz Dios lo MATEO 6:9, 10 no DANIEL 2:44.