Skip to content

Skip to secondary menu

Jehovah’s Witnesses

Zapotec (Quiatoni)

¿Llina schiin dzeh tsana nadran lluid loh trabahw?

¿Llina schiin dzeh tsana nadran lluid loh trabahw?

¿Zak giabal . . .

  • ... aja?

  • ... nad?

  • ... malläh?

 LOH BIBLIA RNIINA

“Dios [...] sia behn nisbe loh ria behn, giäl guit nadrana tsuʼ, ni la giäl roon, ni la giäl ruin, ni la giäl nlas.” (Revelación [Apocalipsis] 21:3, 4, Dios habla hoy.)

LLI WEN GUNA GAKBEEN NDE

Zakbeen, niaka diidxle nadagak Dios ruun ni dxuʼn loh trabahw (Santiago 1:13).

Skuadähna tuhñ seedn ni Dios rakbee behn loh giäln nlas ni lludedn (Zacarías 2:8).

Zak liasnaln, slohll riate ria trabahw ni nu (Salmo 37:9-11).

 ¿LLI MODA GAKBEEN NI RNII LOH BIBLIA NAKA DIIDXLE?

Dion chopa:

  • Nadleka laadx Dios dxiaa ni nu trabahw, ni la ria behn ni rsaksi mniet. ¿Lli mod bzak Jeobá tsana tagokla biuʼ ria ni bsakziroʼka xpengiehdx behn? Loh Biblia, Dios räh behn: “diidxle riena ran ni rsaksi behn xpengiedx [...] y riehn dia ni rbilluee behn” (Hechos 7:34, Traducción del Nuevo Mundo).

    Nad laadx Dios dxaa gan behn lo ria behn ni rsaksi mniet. Loh Biblia rnii: “nadleka laadx behn dxaa gan behn loh ria behn ni rchigaʼ giäl nalaadx” (Salmo 11:5).

  • Dios rchaloh behn toh toh mniet. Nada gak luuysa nanal lli “trabahw y giäl nlas kadeedal loh”, zigakza Jeobá nahn behn nde (2 Crónicas 6:29, 30, La Palabra de Dios para Todos).

    Ba zääd gax dzeh tsana Dios guni behn dxiin Xgobier behn y snitloh behn trabahw ni ka deed toh toh mniet (Mateo 6:9, 10). Naa ni kähidza nde dxiin, kon giäl ndoo rkuadäh behn riate ria mniet ni debniaa loxdoo regiila behn (Hechos 17:27; 2 Corintios 1:3, 4).

MNIPTIIDX LUUY

¿Llehza rdeed Dios loseins dxuʼn loh trabahw?

Schiäla diidx ni rsok Biblia loh giäl rniptiidxre loh ROMANOS 5:12 y 2 PEDRO 3:9.