Skip to content

Skip to secondary menu

Jehovah’s Witnesses

Zapotec (Quiatoni)

¿Chunika rnibee loh gichliuhre?

¿Chunika rnibee loh gichliuhre?

¿Zak giabal . . .

  • ... Dios?

  • ... behn gichliuh?

  • ... toh ni nadn giumbee?

 LOH BIBLIA RNIINA

“Benxiee kasegieena ria behn debniaate gichliuh.” (Revelacion [Apocalipsis] 12:9, Traduccion del Nuevo Mundo.)

“Zekala biid Llingaan Dios, snitloh behn riate ni beentas benxiee.” (1 Juan 3:8, Torres Amat.)

LLI WEN GUNA GAKBEEN NDE

Zakbeen kalo bsloniʼ trabahw ni nu gichliuhre (Revelación [Apocalipsis] 12:12).

Zakbeen, diixdlena zak gichliuhre ntsääy (1 Juan 2:17).

 ¿LLI MODA GAKBEEN NI RNII LOH BIBLIA NAKA DIIDXLE?

Dion tsohna:

  • Ba brii diidx lli kos gak kon xgobier benxiee. Jeobá snitloh behn giäl xnibee benxiee loh ria behn gichliuhre. Zigakza ba räh behn snitloh behn benxiee y gunzaʼk behn lok ni bxiina (Hebreos 2:14).

  • Dios ble behn Jesucrist gun gobier loh gichliuhre. Jesús rente nak behn de loh ni naa rnibee loh gichliuhre, ndee ngiba y malroʼka naka. Dios baräh behn lli mod gak Xgobier Crist: “Slas laadx behn gan behn loh ria ni pentas re, loh ria behn prob [...]. Sbää behn gilah mniet loh ria behn ni ruun kos mal y ria loh ni xsakzi saʼ” (Salmo 72:13, 14).

  • Dios nadle behn sigiee. Loh Biblia rnii “Dios nadleka behn sigiee” (Hebreos 6:18). Tsana Jeobá rbää behn diidx gak toh kos, laana rguaal, baloll goʼka (Isaías 55:10, 11). Ba blää behn diidx, “srii ni rnibee loh gichliuhre” (Juan 12:31).

 MNIPTIIDX LUUY

¿Lli mod gak gichliuhre tsana benxiee nadrana nibee loh nde?

Schiäla diidx ni rsok Biblia loh giäl rniptiidxre loh SALMO 37:10, 11 y REVELACIÓN 21:3, 4.