Skip to content

Skip to secondary menu

Jehovah’s Witnesses

Zapotec (Quiatoni)

¿Lliod ranal loh ria dzeh ni naara zääd?

¿Lliod ranal loh ria dzeh ni naara zääd?

¿Lli rxioal, mod ni dxuʼn loh gichliuhre . . .

  • ... tohbtas gaka zekre?

  • ... zuʼ mazra trabahw?

  • ... gak nzak nde?

 LOH BIBLIA RNIINA

‘Dios [...] sia behn nisbe loh ria mniet, sbääbehn giäl guit, giäl ruin, giäl nlas, riate nde ba loll deeda.ʼ (Revelación [Apocalipsis] 21:3, 4, Traducción del Nuevo Mundo.)

LLI WEN GUNA GAKBEEN NDE

Zuʼ dxiin ni dxigaʼn gieen kon giäl rkit laadx (Isaías 65:21-23).

Ya nadn sak nro ni za dxuidn loh trabahw (Isaías 25:8; 33:24).

Tohbtas, kon giäl rkit laadx dxirierian xfamiln y llamign (Salmo 37:11, 29).

 ¿LLI MODA GAKBEEN NI RNII LOH BIBLIA NAKA DIIDXLE?

Dion chopa:

  • Dios rap behn poder zoob behn diidx ni rnii behn re. Loh Biblia rnii, tohbsa Jeobá Dios rap behn debniate poder, xpoder behn nada loll (Revelación 15:3). Zekala tsana rnii behn tsaa behn mod ni dxuʼn loh gichliuhre, gaka tohb zeʼ mazra ntsääy, nde zuun behna. Saʼ ni rnii loh Biblia, “Dios riate kos ruun behn gan ruun behn” (Mateo 19:26).

  • Dios rchigaʼ behn zoob behn diidx ni rnii behn re. Ziʼk nak ria tagol, loh Biblia rniina Jeobá rchigaʼ behn liastibena stan kob (Job 14:14, 15).

    Zigakza kaniina, Jesús llingaan Dios, bsiak behn ria bengidx. ¿Lliehsa been behna? Siʼk llä pchigaʼ behn (Marcos 1:40, 41). Riatas ni been behn bluuya lok ni rchigaʼ xtad behn, gak yudar ria ni rkiina (Juan 5:19).

    Saʼ ni ba ption, Jeobá y Jesús rchigaʼ behn dxirien kon giäl rkit laadx ria dzeh ni zääd lohn (Salmo 72:12-14; 145:16; 2 Pedro 3:9).

 MNIPTIIDX LUUY

¿Lli mod tsaa Dios mod ni dxuʼn loh gichliuhre, gaka mazra ntsääy?

Schiäla diidx ni rsok Biblia loh giäl rniptiidxre loh MATEO 6:9, 10 y DANIEL 2:44.