Skip to content

Skip to secondary menu

Jehovah’s Witnesses

Zapotec (Quiatoni)

¿Lli rien Biblia ranal?

¿Lli rien Biblia ranal?

¿Zak giabal naka...

  • ... xtiidx behn gichliuh?

  • ... tohb giʼch ni pchaa diidx loh?

  • ... Xtiidx Dios?

 LOH BIBLIA RNIINA

“Riate diidx ni ka loh Biblia naka xtiidx Dios.”(2 Timoteo 3:16, Biblia en Lenguaje Sencillo.)

LLI WEN GUNA GAKBEEN NDE

Biblia rdeda giäl nahn ni sakroʼka loh xkiäl mbahñ (Proverbios 2:1-5).

Zädnina rson ni gun yudar tuhñre (Salmo 119:105).

Ndon diidx ni ziääd lohna zaka diidxle (Romanos 15:4).

 ¿LLI MODA GAKBEEN NI RNII LOH BIBLIA NAKA DIIDXLE?

Dion tsohna:

  • Diidx ni ziääd lohna naasgana saʼna. 1600 ihs goklaa kuaa Biblia, 40 behn bcaana, nu ria behnre nada niumbee saʼna. Diidx ni ziääd loh Biblia nada dxiaa, tohbsa rliasiana lah Dios y Xgobierbehn.

  • Ria behn ni pkaa diidxre nad behn nsigiee. Behn ni rkuaa xtiidx ria behn ni rieh loh giäl dihl nad behn guy diidxle, rkuäʼch behn diidx tsana rila xpehn giehdx behn, zek na ria behn ni pkaa Biblia nad behn nkuäʼch diidx tsana pchiee behn, nila nkuäʼch behn xkiälkiee xpehn giehdx behn (2 Crónicas 36:15, 16; Salmo 51:1-4).

  • Diidx ni ziääd lohna niaka raka diidxle. Tohb 700 ihs tsana kahidza nde gak, loh Biblia kua, Mesías gaka ptoo giehdx Belén loh xliuh behn Judá (Miqueas 5:2). ¿Kalo gok Jesús ptoo? Lallä giehdxroʼk (Mateo 2:1-6).

    Xdahl roʼka saʼ diidxre ni ziääd loh Biblia goka diidxle mod ni kuaasana. Nde rluuya niaka naka Xtiidx Dios. (2 Pedro 1:21.)

 MNIPTIIDX LUUY

¿Lli mod gun Xtiidx Dios yudar nahre?

Schiäla diidx ni rsok Biblia loh giäl rniptiidxre loh ISAÍAS 48:17, 18 y 2 TIMOTEO 3:16, 17.