Ria kos ni Xgobier Dios zuuna gan guna
Loh Biblia rnii
Xgobier Dios tsu’na ni’ ria xgobier behn gichliuh, y laana nibee loh Gichliuh re (Daniel 2:44; Apocalipsis 16:14). Loll ni gak nik, zek zak gan sóob ria diidx ni ziääd re:
Snitloh ria behn mal. «Ria behn mal snitlohna loh gichliuh re» (Proverbios 2:22).
Giäl dihl nadrana tsu’. Dios «snitloh ben ria giäl dihl debniáate gichliuh» (Salmo 46:9).
Zakru ro’ kue ria behn, ruitka tsehb ben. «Sbéedt ni’ xyah bláadt, xbláa dolbáa uv y xbláa yah higos, ruitka tsehb la’t» (Miqueas 4:4).
Gichliuh zaka tohb lawert. «Yuh bidx y dahñ bidx skit láadxa. Dahñ bidx skit láadxa y slehñ mim lohna» (Isaías 35:1, La Palabra de Dios para Todos).
Riaten giapn dxiin ni gun wen tuhñ y sgukita láadxn. «Ria behn ni ba blée, skit ro’ láadx ben gan ben loh dxiin ni ba been ben. Juers ni gun ben, nada gak xlia’» (Isaías 65:21-23).
Nad giäl gihdx tsu’. «Ni tohbte mniet ni re loh gichliuh nada giäb: ‹Rsiak nróo›» (Isaías 33:24).
Nad giäl góol tsu’. «Bääl dech ben mazra sgáana, keza tsana gok ben benin rläy; stankob zap ben juers zi’k ni gop bena tsana gok ben benin rläy» (Job 33:25).
Ria tagol sbahña stankob. «Riate ni nu len baa ziehn diahna chiee ben [chiee Jesús] y sriääl ria ben» (Juan 5:28, 29).
