Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

¿Xigony raniiny guiniʼyibu diitz bengalí?

¿Xigony raniiny guiniʼyibu diitz bengalí?

Ma ndeʼga 23 testigos xtuny Jehová goyoʼ ni bisuidy layibu Queens (Nueva York) par labúu guiniʼyibu né goʼolyibu diitz bengalí, diitz ni más raniʼ buñ ni rabés gudx Bangladesh né stipnés gudx ni noʼ India. Tipnés Testigos bisuidy layibu, par goloʼyibu scuel reʼ biquiinyibu tipnés métodos ni rony que buñ naguel rasuidy raniʼ stoib diitz.

Ndeʼ nac toibtica de xidal scuel ni ma goloʼ testigos xtuny Jehová ló Estados Unidos né ló stipnés gudxrop. Scuel reʼ rioʼni par gacnéni a testigos guisuidy a stipnés buñ ni ná la Biblia ló xtiitzca.

Magaly, toib buñgonaʼ ni goyee scuel reʼ, goniʼ: «Buñ ni raniʼ diitz bengalí nigolú cadalyibu lagary ro rabésdo. Xidal de layibu nainy ganyibu xigony nogoluʼ galrrioʼob ló Gudxlio. Né órni ralooya layibu ni ná Xtiitz Dios rioladxyibu ganyibu más. Per órni buñ diti raniʼ xtiitzyibu nagann racni par guisuidy buñ layibu».

Mextra raquiin tipnés métodos par gacnéyibu testigos guiniʼ stoib diitz más naguel. Toibtica métodos ni napyibu láani ngú ronyibu que testigos guiniʼ tipnés diitz né laʼga caniʼyibu rasisyibu ñayibu, ñeʼyibu né guicyibu, modreʼ ni casuidyibu riaʼanni más naguel guicyibu.

Órni ralox tipdzú de scuel, Testigos ni casuidy guiniʼ stoib diitz ni maca rayopyibu buñ ni raniʼ diitzreʼ par guiniʼyibu Xtiitz Dios. Modreʼ ronyibu prueby pal ma moda casuidyibu guiniʼyibu diitzreʼ. Magaly goniʼ scareʼ: «Buñ rabaladx órni racadiag que raniya xtiitzyibu né raniiny ganyibu xigony casuidy guiniya xtiitzyibu. Órni layibu raduidyibu cuent que raquiinni xiroʼ tiemp par guisuidy buñ toib diitz, ronyni que rienyibu que nigolú rasac ni casudi layibu».

Lóodo ni nacdo Testigos xtuny Jehová diti nosi napdo scuel ro buñ rasuidy guiniʼ stoib diitz, láaca noʼ scuel ro buñ labúu rasuidy par gac mextra. Ló gudxrop de Estados Unidos, ló beʼo enero íz 2006 né enero íz 2012 goyoʼ más de 38 scuel ro goyee 2.244 mextra. Né par ló 1 de septiembre íz 2012, ma goyoʼ más de 1.500 scuel ló 37 diitz ni raniʼ buñ ló Estados Unidos.