Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

Escuela de Galaad setent íz de goló noʼni

Escuela de Galaad setent íz de goló noʼni

Dzú 1 de febrero íz 1943 ló gudxrop ni laa Nueva York gosaló goyoʼ toib scuel ni rasacgoluʼ. De dzúcu dada nigoreʼ ló scuel reʼ ma goyee más de xhoon mil buñ ni sieed de guirá gudx ni noʼ ló Gudxlio. Scuel reʼ laani, Escuela Bíblica de Galaad de la Watchtower.

Xitzkiaʼ: Niis ro rioʼ herman par tzoʼ Escuela de Galaad lagary ni laa South Lansing, Nueva York. Lainy guet: Mextra de Galaad casuidy guirá ni noʼ ló scuel 31 ló anfiteatro

Jonathan ni ma ndeʼga goyee scuel reʼ, goniʼbu: «Como guirá ni bisuidydo sieedni ló Xtiitz Dios, labúu guisobdo ni náni guirá ór nitisi lagary ro tzoʼdo ná pal gadzé mod nac costumbre xtuny buñ de lagary ro guidxindo». Tzeʼelbu, ni la Marnie ná: «Nigoreʼ nigolú raniiny naʼ gacnéya buñ par guiduidyibu cuent que diti noʼ stoib cós ni más rasac que gonyno ni ná ni Bisaʼ lóono. Nandxichi que órni buñ rimbu Jehová, rabany más sacró».

Par labúu tzee buñ Escuela de Galaad ni racla gáay beʼo, diti raquiin quiix buñ par labúu tzoʼ. Ló scuel reʼ guirá ni rasuidyibu rareʼni ló la Biblia né rasuidytzayibu par labúu guisuidyibu stipnés buñ ni náni. Rieeyibu scuel reʼ par guicaʼyibu xiroʼ xcalnan Dios né racaʼyibu galrracné par labúu gacnéyibu gac nadip xcudx Dios né guicalóyibu nitisi galnagan ni tudyibu ló. Láaca ló scuel reʼ rasuidyibu xidal litz ni sieed ló la Biblia ni labúu gacné layibu guibigaxyibu más a Dios.

Xitzkiaʼ: Albert Schroeder casuidy guirá ni noʼ ló scuel ximod nac toib tabernáculo (1958). Lainy guet: Ulysses Glass casuidy ni noʼ ló scuel 46 (1968).

Ni riee Galaad nacyibu pór galtzeʼel. Órni ralox scuel reʼ, rioʼ ór rabiguetyibu lagary ro bireʼyibu o láaca rioʼ ór rieeyibu stoib gudxrop. Tipnésyibu racaʼ asignación ló toibtica más de noventa Betel ni nap testigos xtuny Jehová. Né stipnésyibu riee lagary ro rabesgoluʼ buñ, portín lagary reʼ labúu gacnéyibu xidal buñ par gan ni ná Xtiitz Dios.

Escuela de Galaad racni Nueva York. Primer scuel reʼ gocni ló Hacienda del Reino, toib layoo ni gop testigos xtuny Jehová ló South Lansing. Ló íz 1961 scuel reʼ bidzaʼni de lagary né gosaló goyoʼni ló sede mundial Brooklyn. Ló íz 1988 a 1995 goyoʼni Wallkill ló Hacienda Watchtower. Né par ma ló íz 1995 gosaló goyoʼni Patterson lagary reʼ góc laani Centro Educativo de la Watchtower. Clase 134 bisloʼox scuel ló beʼo marz íz 2013.

Xitzkiaʼ: Toib ni casuidy ló scuel 116 lainy toib salón (2003). Lainy guet: Herman ni noʼ ló scuel casuidy xquiich lainy toib biblioteca ni nap Galaad (2011)

Por setent íz, guirá ni ma godudy ló Escuela Bíblica de Galaad de la Watchtower nigolú ma gocnéyibu gacxiroʼ laa Dios xtunyno, Jehová.