Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

Ma diti rabeʼdo buñ tiplad

Ma diti rabeʼdo buñ tiplad

Lóodo ni nacdo testigos xtuny Jehová ma bisuidydo que Dios diti rabeʼ buñ tiplad ná nacyibu de stoib gudx o color (Hechos 10:34, 35). Por ni napdo toib programa ximod lóodo rasuidydo ni ná la Biblia, ndeʼ rony que racnédo buñ par cobioyibu nitisi buñ.

Láaca diti racnédo a grupos de buñ ni rianladx a stipnés buñ ni nac de gadzé color o de stoib gudx. Ló xtzú nazi testigos xtuny Jehová de gudx Alemania né de stipnés gudx diti gosaguelyibu ñacnéyibu Hitler nagaity buñ. Por ni bunyibu ndeʼ xidalguixo de layibu goity.

Modreʼca gosacloyibu dzú goity xidalguixo buñ de stoib gudx o stoib religión ló gudx Ruanda, ni góc ló íz 1994. Testigos xtuny Jehová diti gocyibu toibsi né ni bigaity stipnés buñ. Né dada goyoʼyibu ló riesga de ñaityibu né noʼyibu goity por ni bicachlanyibu buñ de Ruanda ni careʼ de lagarycu.

Lóodo raniiny gacnédo buñ de guirá gudx ni noʼ ló Gudxlio, por ngú rabeʼdo né rakiʼsdo libros né guiich ló más de xhoopgayoʼ diitz. Ló naareʼ buñ de «guirá gudxrop, family xiroʼ, gudx, né diitz ni raniʼ buñ» rabaladxyibu radopyibu toibsi né lóodo (Revelación 7:9).