Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

Racaʼyibu toib certificado por ni ranyibu guirá ni noʼ ló Gudxlio

Racaʼyibu toib certificado por ni ranyibu guirá ni noʼ ló Gudxlio

Ma por gatz íz imprenta ni nap testigos xtuny Jehová gudx México racaʼ toib certificado por ni nacni toib Fábrica Nayaa.

Né ló beʼo 26 de septiembre íz 2012 testigos xtuny Jehová cuaʼyibu toib certificado ni biduidy gobierno xtuny México layibu por ni ronyibu xtem né ranyibu guirá ni noʼ ló Gudxlio.

Programa reʼ noʼni par gonyni que guirá fábricas ni noʼ gony respetarni guirá ni noʼ ló Gudxlio. Ná testigos xtuny Jehová nacyibu toib organización ni diti ratoʼ guirá libros né guiich ni rasaʼ par gony gan xiroʼ bidxiich, layibu rioʼyibu ló programa reʼ guirá íz. Toib Testigo ni rony dxiin imprenta ni nap testigos xtuny Jehová México, goniʼbu scareʼ: «Par labúu guicaʼdo certificado ni raduidy diitz que nacdo toib Fábrica Nayaa, non guislooydo que ni ronydo né guirá dxiin ni rac reʼ guiduidyni diitz que rasobdo xiley buñchiin ni noʼ México, né que rando Gudxlio de gatz mod: diti gony buidydo buu, gando nís, diti cuenunysi guichetzdo guix, diti guixúdo aceity, gapdo cuidad ló dxiin par diti guisaclodo desgrasy, diti kitgoludo guii né rasuidydo buñ ni rony dxiin lagary reʼ par ganyibu guirá ni noʼ ló Gudxlio. Fábrica diti lafuers rac par tzoʼ laani ló programa reʼ. Lóodo xcando ronydo láani.»

Testigos xtuny Jehová ni noʼ ló guidopynac Gudxlio ronyibu dada rutirigaʼlni layibu par ganyibu Gudxlio móz ni rabésno ló.