Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

Biblias ni rony imprimir Japón

Biblias ni rony imprimir Japón

Par guireʼ biblias de lujo né ni nagudx guiichlaidy ni ranab herman, testigos xtuny Jehová gosiʼyibu tipnés máquinas ni racaʼ guiichlaidy libros ló imprenta ni noʼ Japón, ni riaʼan lainy gudx ni laa Ebina.

Órni gosaló dxiinreʼ nagann gocni par layibu portín guirágasi ór goyee guii xtol xo rodann né tsunami ni godudy dzú 11 de marz íz 2011.

Ná scú gocni, gosaló bunyibu dxiin ló septiembre de íz cuca. Né dzú yása guisaʼyibu tzón beʼo de goló cayonyibu dxiin máquina reʼ gosaló bunyni dxiin. Ni nirdiguié goleʼni ngú Traduccción del Nuevo Mundo ló diitz chino.

Máquinas reʼ sioʼlni 400 metro (1,300 pies) né guirá máquina reʼ stipláacani ronyni dxiin. Nirdiguié, racaʼni guirá guiich reʼ cueʼ saʼ par gacni libros, después ma racá guiichlaidyni ne radxinni racni toib libro, radudyni ló toib máquina ni raguiedxich láani né racuaʼtzay láani. Né máquina reʼca ragoʼtzay láani lainy caj. Né guirá caj reʼ raguaʼtzayni ló yac ni nac xomod loʼon.

Dxiin reʼ birebuʼtzayni portín goyoʼ ni gocné

Par nareʼbu dxiinreʼ herman nír gurú buny pensary galán ximod ñonyibu dxiinreʼ. Ni primer bunyibu bisagaʼtzayibu máquinas reʼ né bicuatzayibu láani par labúu ñoʼni lainy 34 contenedores né bireʼni Europa par bidxinni Japón.

Chii ancianos ni rasanir nisló Betel de gudx Estados Unidos goyeeyibu Japón par gocnéyibu ló dxiinreʼ, noʼyibu gocla xhoop beʼo par guisuidyibu herman de Japón guiquiin né gan ximod gonytzaay máquinas reʼ.

Xidal buñ ni nap máquinas ni rasaʼ libros bidziguiaʼyibu máquinas copy reʼ. Ló dzú 19 de marz íz 2012, más de tigayoʼ buñ ni rony representar guirá industrias reʼ goyeeyibu né bidziguiaʼyibu láani.

Antes de nareʼyibu tigaagayibu cuaʼ toib Biblia de la Traducción del Nuevo Mundo ni goleʼ máquina copy reʼ.

Nigoreʼ, Betel ni noʼ Japón ma gocni toibsi né ni noʼ Estados Unidos né Brasil par cueʼni biblias ni nagudx guiichlaidy par guicaʼ testigos xtuny Jehová.

«Ma nagann sasaca ló stoib dxiin ni goni»

Testigos né stipnés empresas ni buny dxiin reʼ nigolú bibaladxyibu ni bunyibu dxiin toibsi. Toib de layibu goniʼ: «Ni noʼya ladto rasaca xomod órni noʼya né xfamily».

Dzú ni bilox dxiinreʼ, stoibbu goniʼ: «Ma nagann sasaca ló stoib dxiin ni goni, portín naana que diti sácni sacró xomod órni buni dxiin né la Watchtower».