Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

Notísy de La Atalaya ni godudy ló televisión groenlandesa

Notísy de La Atalaya ni godudy ló televisión groenlandesa

Ló beʼo enero íz 2013, La Atalaya ló diitz groenlandés bisaʼni cuarent íz. Groenlandés nacni toib diitz ni raniʼ buñ inuit né nosi 57.000 buñ raniʼ láani.

Ló gudx Groenlandia nosi noʼ tidxó más de 150 testigos xtuny Jehová, per rareʼ 2.300 revistas Napasuliaq Alapernaarsuiffik (scareʼ laa La Atalaya ló diitz groenlandés). Ndeʼ raslooytzay que ni roʼol láani nacyibu buñ ni diti nac Testigos.

Órni bisaʼni cuarent íz né góc xilaniini, toib periodista de televisión goyee ro rac traducir revista reʼ lainy gudx ni laa Nuuk par gonybu tipnés galrranabdiitz. Toib buñ ni rabiʼ ximod rac dxiin lainy centro de traducción goniʼbu: «Xidal buñ ni raniʼ diitz groenlandés rioladx la Biblia, né por ngú roʼolyibu revista».

Órni periodista cú gonabdiitz: «¿Xí láani más rioladxlo de revista reʼ?», toibtica de hermana ni rony traducir goniʼ: «Mod racnéni, nigolú ma gocnéni naʼ. Toib mod ni gocnéni naʼ ngú guibani sacró né nasac, nírcu nigolú godobgoluʼya gues, ná naana que ronyni mal. Per ló la Biblia bisudi que pal nainy lóono tzoʼno nasac, laidyno non tzoʼni nayaa».

Ló notísy reʼ láaca goniʼyibu que testigos xtuny Jehová noʼyibu Groenlandia de goló galaʼ íz 1950 né layibu rabeʼyibu libros né follet ló diitz groenlandés. Guirá traductores ni noʼ Dinamarca né Groenlandia diti riaxyibu, né ni más rioʼbu xcalrrasaʼ ngú que traducción ni gonyibu gacni sacró né ni guieen buñ.

Toib testigo xtuny Jehová ni ma sané 25 íz de goló caniʼ Xtiitz Dios ló diitz groenlandés goniʼbu: «Ma bibiʼya balaati rasac que gonycuentdo libros né guiich ló diitz ni raniʼ buñ. Ló tipnés gudx ni noʼ sit —tipnéssi beʼo rioʼdo lagarycu né racni lainy bark— noʼ buñ ni rioladx goʼol revistas ni rabeʼdo. Modreʼ riguendo buñreʼ né órni diti labúu riguendo layibu ma racaʼdo guiich lóoyibu láaca raxeldo revistas ronoʼyibu».

De goló beʼo enero íz 2013, buñ ni raniʼ diitz groenlandés napyibu La Atalaya ni rasuidy testigos xtuny Jehová ló xireunión, né revista La Atalaya ni noʼ par guirá buñ. Né ma labúu ralit buñ láani ló lagary ni napno ló Internet jw.org.