Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

¿Ximod rasuidy testigos xtuny Jehová buñ?

¿Ximod rasuidy testigos xtuny Jehová buñ?

Órni testigos xtuny Jehová rasuidyibu a stipnés rabexayibu ni ranabdiitz buñ. Tipnés nacni ndeʼ:

  • ¿Chú láabu ngú Dios?

  • ¿Nigolú rioʼ Dios galrrasaʼ por naʼ la?

  • ¿Xí labúu goni par gac nadip xcaltzeela?

  • ¿Ximod labúu tzoʼya nakit laʼga nabani?

Nigoreʼ guicapyno tipnés galrranabdiitz mod ni rasuidydo buñ.

¿Ximod rasuidydo buñ? Rasuidydo buñ ni ná la Biblia por tema. Guibiʼno ximod, pal casuidydo de Dios (o de galtzeʼel), roldo versículo de la Biblia ni raniʼ de tema cú. Órni radzakdo láani saʼni, labúu riendo ni merpa rasuidy la Biblia de tema cú, né pal diti riendo toib texto láacani rabexani xí radudyni diitz.

Órni rasuidydo buñ raquiindo libro ni laa, ¿Xí ni merpa rasuidy la Biblia?, láani nigolú racnégoluʼni. Rabexatzayni ni merpa rasuidy la Biblia de Dios, de Jesús, de ló dzú ni sietra né de xidal cós.

¿Balac quiixlo par guisuidylo? Diti saguiixlo xitcal, láaca libro né guiich ni raquiindo diti radoʼni.

¿Balac raclani? Xidal buñ rasuidy tip ór lainy xomal. Ná scú nacni, labúu guitzaʼ tiemp ni buñ ná guisuidy, ma looy guiniʼlo balaati ór náni looy guisuidylo.

¿Xí gac órni guinaba ni guisuidy naʼ? Toib testigo xtuny Jehová tzáguen looy ór né lagary ni más rioladxlo par guislooybu looy ximod racni. Pal rioladxlo né náni looy guisuidylo más, Testigo reʼ sabaladxbu tzáguenbu looy stoib.

Pal rasaguela tzoʼ toib ni guisuidy naʼ, ¿napa xí de gaca testigo xtuny Jehová la? Yaca. Testigo xtuny Jehová nigolú rabaladxdo rasuidydo buñ ni ná la Biblia, né diti rony lafuersdo buñ gac Testigo. Xalagary ngú, rasuidydo buñ né respet ni ná la Biblia, né nando que láabu ngú ni guiniʼ pal gacbu Testigo o yaca (1 Pedro 3:15).

PAR GANNLO MÁS

¿Xigony guisuidyno la Biblia?

La Biblia cayacné a xidalguixo buñ ló guidopynac Gudxlio par guidzelyibu guirá galrranabdiitz ni más rony buñ. ¿Nainy looy gaclo toibtica de layibu la?

¿Ximod rasuidyno buñ de la Biblia?

Ló guidopy Gudxlio rimbu buñ a testigos xtuny Jehová por ni rasuidyibu buñ scásiʼ. Gon ximod ronyibu láani.

Gonab toib ni guisuidy looy ni ná la Biblia.

Bisuidy ni nigolú ná la Biblia dzú né ór ni más rioladxlo.