Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

¿Xigony testigos xtuny Jehová diti rony Laninin?

¿Xigony testigos xtuny Jehová diti rony Laninin?

Ni raniʼ buñ né ni nigolú

Ni raniʼ buñ: Testigos xtuny Jehová diti ronyibu Laninin portín diti raluladxyibu lóo Jesús.

Ni nigolú: Nacdo ni rasob Cristo né nadip rac xtiitzdo que nosi por Cristo labúu salaado (Hechos 4:12).

Ni raniʼ buñ: Rabestzoyibu buñ cueʼ xfamily órni rasuidyibu buñ ni nac de xireligionbu que diti non gony Laninin.

Ni nigolú: Ni Dios gosaló family nigolú rasacni par lóodo; né por ngú rasuidydo ni ná la Biblia ni rony nadip family.

Ni raniʼ buñ: Diti rioʼyibu goxt ló xtzú Laninin, diti rascadyibu cós saʼyibu né diti raguaʼyibu toibsi né saʼyibu ló lanii reʼ.

Ni nigolú: Ronydo ni noʼ ladxñado por gacdo buñ ni natzaay xcalrrien né rascaddo cós saʼdo nitisi dzú ló toib íz (Proverbios 11:25; Romanos 12:18). Lóodo diti ranabdo bidxiich ló xireuniondo né láaca diti riaxdo órni rasaado yoʼ pór yoʼ, portín rasobdiitzdo modni goniʼ Jesús: «Cuato scásiʼ; colguiduidy scásiʼ» (Mateo 10:8). Né ranido que nosi Gobierno xtuny Dios labúu sony que buñ saguaʼ goxt sin galrradíil (Mateo 10:7).

¿Xigony testigos xtuny Jehová diti rony Laninin?

  • Jesús bixel que nasetnaladxno xcalgoitybu, diti dzú ni golbu (Lucas 22:19, 20).

  • Ni toib xpiin Jesús né ni toib buñ ni cuanal láabu ló primer siglo buny Laninin. Modni raniʼ Diccionario del cristianismo, lanii reʼ «gosalóni lainy gudx Roma ló íz 330» Ló Xtzúno, después de chopgayoʼ íz ni goity último xpiin Jesús.

  • Diti no prueby que Jesús golbu 25 de diciembre; né la Biblia diti raniʼ xí dzú merpa gool Jesús

  • Lóodo nantzaydo que Dios diti rioladxbu gac Laninin, portín láani golainyni lad costumbre pagan (2 Corintios 6:17).

¿Xigony diti ronyibu ni rony guirá buñ?

Ná xidal buñ nan que Laninin diti radzakni né ni ná la Biblia, né que golainyni ló costumbre pagan, xidal buñ rony lanii reʼ né xpensaryibu diti raquiin gony buñ ni ná la Biblia.

La Biblia raibyni lóono que guiquiinno xcalrrienno órni coʼno guicno gonyno toib cós (Romanos 12:1, 2). Láaca rasuidyni lóono gandxiʼno ni nigolú rasuidy la Biblia (Juan 4:23, 24). Rasac par lóodo mod nac xpensary stipnés buñ, per ná scú más rasac par lóodo guisobdo ni ná xilitz la Biblia ná pal raniʼ buñ de lóodo.

Nigolú láani, lóodo biduidydo xtiitzdo diti gonydo Laninin, per tigaaga buñ nan xi láani gony. Por ngú diti racaado lóo buñ ni ná gony Laninin.