Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

¿Xigony diti rony testigos xtuny Jehová xilanii Domingo de Pascua dzú Jesús biás lad gueʼet?

¿Xigony diti rony testigos xtuny Jehová xilanii Domingo de Pascua dzú Jesús biás lad gueʼet?

Ni raniʼ buñ né ni nigolú

Ni raniʼ buñ: Testigos xtuny Jehová diti ronyibu xilanii Domingo de Pascua portín diti racanalyibu Jesús.

Ni nigolú: Racacuentdo a Jesucristo xomod ni Ralaa lóodo né ronydo dada rutirigaʼlni lóodo por guicaado cuidad guicanaldo «raxt ñeʼbu» (1 Pedro 2:21; Lucas 2:11).

Ni raniʼ buñ: Lóoto diti ronyto crer que Jesús biás lad gueʼet.

Ni nigolú: Diti nosi ronydo crer que Jesús biás lad gueʼet, láaca nantzaydo que ló xcalgoitybu rasaló fe ni nap guirá buñ ni racanal a Jesús. Láaca nacni ni lóodo ranido órni rasaado yoʼ por yoʼ (1 Corintios 15:3, 4, 12-15).

Ni raniʼ buñ: Racaato ló xiinnto par tzoʼ nakit ló lanii reʼ.

Ni nigolú: Nadxiʼdo xiindo né ronydo dada rutirigaʼlni lóodo por guisniʼsdo layibu ló néz ni nac galán né ronydo por tzoʼ nakityibu (Tito 2:4).

¿Xigony diti rony testigos xtuny Jehová xilanii Domingo de Pascua?

  • Costumbres ni rony buñ ló Domingo de Pascua ló xidal gudx diti sieedni ló la Biblia.

  • Jesús buny mandary guisetnaladxno xcalgoitybu, diti dzú ni biásbu lad gueʼet. Testigos xtuny Jehová ronydo xilanii xcalgoity Jesús guirá íz xomod raliña calendary de beʼo ni rasetlaa la Biblia (Lucas 22:19, 20).

  • Rientzaaydo que costumbres ni rac ló lanii Domingo de Pascua radzakni né xidal costumbres ni rareʼ ló crenys pagan xomod ritos xtuny fertilidad. Guirá ndeʼ diti racacuent Dios láani. Láabu nábu: «Nosi naʼ non gony adorarto» né rioʼobni láabu órni ronyno costumbres xtuny religión falz ni rianladxbu (Éxodo 20:5; 1 Reyes 18:21).

Nadip rac xtiitzdo que diti sonydo xilanii Domingo de Pascua portín diti sieedni ló la Biblia. Né la Biblia raiby lóono guiquiinno «galnann né guiquiinno guicno par gonyno pensary» xalagary gonyno por gonysino ni rony guirá buñ (Proverbios 3:21; Mateo 15:3). Nigolú láani, rioladxdo cuéxado xi láani ronydo crer órni noʼ ni ranabdiitz lóodo. Per rapdo respet mod rony buñ pensary (1 Pedro 3:15).

 

PAR GANNLO MÁS

¿Ximod labúu guimbulo religión ni rasuidy xinésni?

¿Toibsi religión ni rasuidy xinésni noʼ la? Bisuidy gáay mod ni gacné looy guimbulo layibu.