Rabiguet

Goyee menú ni rarop lagary

Testigos xtuny Jehová

diitza

¿Xigony testigos xtuny Jehová diti ronyibu lanii dzú rasaʼyibu íz?

¿Xigony testigos xtuny Jehová diti ronyibu lanii dzú rasaʼyibu íz?

Testigos xtuny Jehová diti ronydo lanii dzú rasaʼdo íz portín nantzaydo que Dios diti rioladx gonydo láani. Ná la Biblia diti nayaditpa raniʼni que diti gonydo láani, per radudyni tipnés razón par gando xigony diti rioladx Dios gonydo lanii reʼ. Guisuidyno tap razón ni noʼ por ni diti ronydo láani né guisuidyno tipnés textos ni rasetlaa láani.

  1. Lanii ni rac dzú ni rasaʼ buñ íz sieedni de religión falz. Toib diccionario enciclopédico ná que lanii reʼ golanyni de buñ ni raluladx que dzú ni buñ rasaʼ íz «ángeles mal rioʼyibu nadip dzúcu par gonybu mal buñ ni casaʼ íz» né por ngú «nigolú raquiin que ximigbu tzoʼ né láabu né guinab galnasác par láabu par diti guisaclobu xitcal» (Funk & Wagnalls Standard Dictionary of Folklore, Mythology, and Legend). Stoib enciclopedia raniʼ que nírcu nigolú gosac que buñ nacaʼ dzú ni gool ló guiich né modreʼ «nabeʼyibu horóscopo xtunyibu», né crenys reʼ golanyni ló «astrología». Libro reʼca raniʼ: «Que buñ raluladx que velador ni raquiinyibu napni galchiser né labúu raduidyni ni nainy layibu guicaʼyibu» (The Lore of Birthdays).

    Per la Biblia rianladx galchiser, adivinación, galbruj né nitisi «cós ni nac xomod ni ma bisetlano» (Deuteronomio 18:14; Gálatas 5:19-21). Dios binitló gudx Babilonia portín buñ ni golés cú gocyibu buñ chiser (Isaías 47:11-15). Ná testigos xtuny Jehová diti nigolú raniiny lóodo ganpado pu golainy guirá lanii o crenys falz reʼ, per diti por ngú rabeʼdo tiplad ni ná la Biblia de galchiser.

  2. Buñ ni cuanal Jesús nírcu diti bunyibu lanii dzú bisaʼyibu íz. Toib enciclopedia goniʼ que buñ ni cuanal Jesús nírcu «par layibu lanii ni rac dzú ni rasaʼ buñ íz nacni lanii ni rony buñ pagan», o golanyni ló religión falz (The World Book Encyclopedia). La Biblia rasetlaa que buñ ni cuanal né bicadiag a Jesús dzú goyoʼbu ló Gudxlio, bisianyibu toib mod ni non guisuʼ guirá ni ná guicanal a Jesús (2 Tesalonicenses 3:6).

  3. Toib lanii ni Jesús bixel xpiin gony, láani ngú dzú ni goitybu diti dzú ni golbu (Lucas 22:17-20). Ndeʼ diti non guidziguiaʼ buñ láani portín la Biblia ná: «Dzú ni raity buñ más galán láani que dzú ni rál buñ» (Eclesiastés 7:1). Par ló dzú ni ma yaca gaity Jesús ló Gudxlio, Jesús buny guiráxadit ni gonab Dios láabu, por ngú dzú ni goitybu gosacni más que dzú ni golbu (Hebreos 1:4).

  4. La Biblia dipa rasetlaa que buñ ni bisob Dios buny lanii dzú ni bisaʼ íz. ¿Nompa diti rasetlaa la Biblia láani la? Yaca, portín la Biblia rasetlaa de chop buñ ni buny xilanii dzú ni bisaʼ íz, per guiropca buñreʼ diti bienyibu Dios. Né la Biblia láaca rasetlaa xí cós mal góc ló lanii cú (Génesis 40:20-22; Marcos 6:21-29).

Xiin testigos xtuny Jehová, ¿ronybu pensary que noʼ ni casnityibu por ni diti ronyibu lanii dzú ni rasaʼyibu íz la?

Xomodca stipnés buñ ni ma noʼ xiin, testigos xtuny Jehová láaca nadxiʼyibu xiinyibu. Por ngú, raduidyibu galrrascad xiinyibu nitisi dzú ló íz né ronyibu lanii o stoib galnakit né xiinyibu. Ronyibu por guisuʼbu Dios ni rascad cós tzaay xiin nitisi ór (Mateo 7:11). Por ngú, xiin testigos xtuny Jehová diti rasacyibu que noʼ cós tzaay ni casnityibu. Scareʼ raslooy tipnés mbiox láani:

  • «Más rasaclo sacró guicaʼlo toib galrrascad órni diti cabéslo láani.» (Tammy, ni nap 12 íz.)

  • «Bixiosa diti rascadbu cós naʼ órni rasaʼya íz, per noʼ ni rascadbu naʼ nitisi dzú. Né naʼ rioladxi guicaʼya láani órni diti cabésa xitcal.» (Gregory, ni nap 11 íz.)

  • «Bimbiox nosi roo pastel né roʼol canción ló lanii reʼ. Naʼ diti rioladxi clas lanii reʼ, más sacró rac lanii ni ronydo riolidxi nitisi dzú.» (Eric, ni nap 6 íz.)

 

PAR GANNLO MÁS

¡DIITZ SACRÓ NI SIEED DE DIOS!

¿Ximod racné lóono litz ni sieed ló la Biblia?

Jesús golexa xigony raquiinno ni conés lóono, né xí chop litz ni más rasac noʼ.