Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

¿Nac testigos xtuny Jehová buñ ni racanal Cristo la?

¿Nac testigos xtuny Jehová buñ ni racanal Cristo la?

Scú, racanaldo láabu. Guibiʼno tipnés razón:

  • Ronydo xtem por guicanaldo modpa buny Cristo né guibanydo mod ni láabu bisuidybu (1 Pedro 2:21).

  • Raluladxdo que nosi por Jesús labúu salaano, portín «diti noʼ stoib laa ni noʼ ló gudxlio ni raduidy Dios par guilaa lóono» (Hechos 4:12).

  • Órni radxindo racdo testigos xtuny Jehová, rionisdo ló laa Jesús (Mateo 28:18, 19).

  • Ranabdo lóo Dios né raquiindo laa Jesús (Juan 15:16).

  • Raluladxdo que Jesús nac guic guiráca buñguieeu (1 Corintios 11:3).

Per lóodo ronydo cós ni rony que diti gacno xomod stipnés clas buñ ni raniʼ que racanal Cristo. Guibiʼno ximod, lóodo raluladxdo que la Biblia rasuidy que Jesús nacbu Xiin Dios né diti nacbu tzón buñ toibsi Dios (Marcos 12:29). Láaca, diti raluladxdo que alma diti raityni, diti raluladxdo que la Biblia rasetlaa que Dios rasaʼij buñ ló guii por tipzó, né que diti raniʼni que buñ ni rasanir lainy toib religión gap toib laa par gacyibu buñxirop nisló stipnés (Eclesiastés 9:5; Ezequiel 18:4; Mateo 23:8-10).