Rabiguet

¿Rony testigos xtuny Jehová dxiin ni rony misioneros la?

¿Rony testigos xtuny Jehová dxiin ni rony misioneros la?

Scú. Guiráca testigos xtuny Jehová, nitisi lagary ro rabésdo, ronydo susica ñacdo misioneros né órni napdo oportunida de guinido diitz ni sitné la Biblia ronydo láani (Mateo 28:19, 20).

Láaca, noʼ tipnés Testigos ni riee raniʼ xtiitz Dios né rioʼ ór dada rasianyibu ro rabésyibu rieeyibu sit ronoʼ xidal buñ ni diti ma bicadiag Xtiitz Dios. Stipnés riee stoib gudxrop. Guirá testigos xtuny Jehová ni rony scareʼ rabaladxyibu gacnéyibu gac cumplir diitz ni goniʼ Jesús: «Sacto testigos xtuni dada [...] lagary ni noʼ más sit ló gudxlio» (Hechos 1:8).

Ló íz 1943, gosaló toib scuel ro riee pórsi misiosneros par guisuidytzay guiniʼ Xtiitz Dios né scuel reʼ laani: Escuela Bíblica de Galaad de la Watchtower. Dada ló naareʼ, más de xhoon mil Testigos ma goyeeyibu scuel reʼ.