Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

¿Rasaa testigos xtuny Jehová yoʼ por yoʼ por ni guilaa Dios layibu la?

¿Rasaa testigos xtuny Jehová yoʼ por yoʼ por ni guilaa Dios layibu la?

Yaca. Lóodo nando que Dios diti salaa lóodo nosi por ni rasaado yoʼ por yoʼ (Efesios 2:8). ¿Xigony?

Gonyno pensary modreʼ, toib buñguieeu ni nigolú natzaay xcalrrien raduidy xtiitz guiscad toib cós ni nigolú rasac a guirá ni guidxin dzú né lagary ni láabu ma goniʼbu. Pal buñguieeu cú ma biduidy razón par gapno confianz ló xtiitzbu, ¿diti nadxinno lagary cú la? Per diti ngúsi ñonyno, láaca ñoʼno nigudxno xfamilno né guirá ximigno par labúu nacaʼbu oportunida cuca. Scú láani, ni toib non nacaʼ galrrascad cú pór ni bunybu mod ni goniʼ buñguieeu cú. Portín toib galrrascad diti labúu rony buñ gan laani.

Mod cuca, testigos xtuny Jehová napdo confianz lóo Dios de que sonybu mod ni ma biduidybu xtiitzbu de guiduidybu toib galnabany tipzó a guirá ni guisobdiitz láabu (Romanos 6:23). Né como raniiny lóodo que stipnés buñ guicaʼ galnasác ni raduidy Dios, ronydo dada rutirigaʼlni lóodo par gaibydo layibu xi ná Dios. Per lóodo nando que ni rasaado yoʼ por yoʼ diti salaani lóodo (Romanos 1:17; 3:28). Nigolú láani, diti noʼ ni labúu gonyno par labúu guicaʼno galrrascad nirodann ni sieed de Dios. La Biblia ná: «Láabu bilaabu lóono por xcalnadxiʼbu, diti por cós tzaay ni ma bunyno» (Tito 3:5, La palabra de Dios para Todos).