Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

¿Xigony diti raquiinto crois?

¿Xigony diti raquiinto crois?

Par xidal buñ, crois raduidyni diitz que guirá buñ ni noʼ ló Gudxlio ni raquiin láani nac ni racanal Cristo. Per ná lóodo ni nacdo testigos xtuny Jehová racanaldo Cristo, diti raquiindo crois né diti rony adorardo láani. ¿Xigony?

Primer, la Biblia diti raniʼ que Jesús goity ló toib crois, láabu goitybu ló toib yac nadop. La Biblia rony mandary buñ ni racanal Cristo: «Diti guiento dioxh colgalsit de láani». Né órni buñ raquiin crois riendxichni que cayenbu dioxh falz (1 Corintios 10:14; 1 Juan 5:21).

Ni rarop, Jesús láacabu bisuidybu ximod gan buñ chú rasob o racanal láabu órni goniʼbu diitzreʼ: «Pal nadxiʼto saʼto guirá buñ simbu que lóoto nacto buñ ni racanal naʼ» (Juan 13:34, 35). Scú láani, ni raduidy diitz que toib buñ racanal Cristo diti nacni toib crois, sino nacni galnadxiʼ ni nigolú nap buñ saʼ.