Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

¿Raguiix testigos xtuny Jehová diezmo la?

¿Raguiix testigos xtuny Jehová diezmo la?

Yaca, guirá testigos xtuny Jehová diti napdo xí portín quiixdo diezmo. Guirá dxiin ni ronydo racni pór né bidxiich ni herman raduidy né guidopy xcalnabany. Per, ¿pu rareʼ costumbre ni buñ raduidy diezmo, né xigony diti rony testigos xtuny Jehová láani?

Lad Ley ni cuaʼ gudx Israel goyoʼ mandary de naduidyibu diezmo o nabeʼyibu chii midid cós ni napyibu né naduidyibu tip mididsi par nacaʼ sacerdotes. La Biblia raniʼ nayadit que guirá ni racanal Cristo ma diti raquiin guisob ni ná ley cú ló naareʼ. Por ngú diti rac lafuers buñ guiduidy diezmo (Hebreos 7:5, 18; Colosenses 2:13, 14).

Xalagary guiduidydo diezmo o tipnés cós lafuers, guirá testigos xtuny Jehová ronydo modca herman ni cuanal Cristo. Layibu gocnéyibu congregación de chop mod: biduidyibu bidxiich ni goniiny xcalnabanyibu naduidy né goniʼbu né bisuidyibu scásiʼ diitz ni sieed ló la Biblia.

Ndeʼ radzak né ni ná la Biblia: «Cada toibto guiduidy xomod ma goniʼ lainy xcalnabany gony láani, diti de mal gan ni lafuers, portín Dios nadxiʼ buñ ni rioʼ nakit órni raduidy» (2 Corintios 9:7).

 

PAR GANNLO MÁS

¿Ximod riax dxiin ni rony testigos xtuny Jehová?

Xchiinyibu caniʼsni por guidopy ló Gudxlio, né diti ranabyibu diezmo né diti ratopyibu gon. ¿Ximod labúu ronyibu láani?