Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

¿Chú láabu gosaló láani?

¿Chú láabu gosaló láani?

Historia de testigos xtuny Jehová de ló naareʼ gosalóni órni máyaaca guidubylagaʼ siglo XIX. Ló dzúcu, tipnés buñ ni bisuidy la Biblia de Pittsburgh, (Pensilvania, Estados Unidos) gosaló bisuidyibu la Biblia nanoy. Órni bunyibu ndeʼ bibiʼyibu xí rasuidy stipnés religión né bibiʼyibu xí ni merpa rasuidy la Biblia. Ór cú guirá ni cayenyibu goleʼyibu láani ló libro, periódico, né bisaʼyibu revista ni rimbuno nigoreʼ xomod La Atalaya. Anunciando el Reino de Jehová.

Toibtica ni goyoʼ ladyibu góc Charles Taze Russell. Ná láabu bisaʼbu nirdiguié revista La Atalaya, né gosanirbu ló dxiin de guiniʼbu xtiitz Dios ló dzúcu diti raduidyni diitz que láabu gosalóbu religión reʼ. Ni goniiny Russell né stipnés xcompañerbu Ni Bisuidy la Biblia (mod góc láayibu dzúcu), láani ngú guisuidyibu buñ de Jesucristo né guisobyibu ni buny mandary herman ni bibany ló primer siglo. Ni gosaló cristianismo gócbu Jesucristo por ngú lóodo láaca ranido que Jesús ngú ni gosaló religión reʼ (Colosenses 1:18-20).