Rabiguet

¿Non guixixiba nisló dioxh la?

¿Non guixixiba nisló dioxh la?

Mod rabexa la Biblia láani

La Biblia diti rasuidy guienno dioxh falz. Nosi Dios non guininéno né non gonyno láani ló laa Jesús. Jesús góoch xpiin: «Lóoto non guininéto Dios scareʼ: Bixiosdo ni noʼ guibá, gac nayaa laalo» (Mateo 6:9). Jesús dipa goniʼbu que non guixixipno nisló toib bidaʼ, toib ángel o stoib buñ. Nosi gony adorarno Dios.

Jesucristo láaca goniʼ ndeʼ: «Naʼ ngú néz, rasudi ni nigolú né radudi galnabany tipzó. Ni toib labúu guidxin ronoʼ Bixiosa pal diti nacni por naʼ» (Juan 14:6). Nosi Jesús nap galmandary par guidxin nisló Dios né guiniʼ por lóono (Hebreos 7:25).

¿Labúu guininéno Dios né láaca non guixixipno nisló dioxh la?

Ló toibtica de Chii Mandamientos, Dios goniʼ ndeʼ: «Naʼ, Jehová Dios xtunylo, naca toib Dios ni ranab que nosi naʼ guienlo» (Éxodo 20:5). ¿Xigony ranab Dios guienno láasibu? Ló toib nota ni sieed ló Biblia de América rabexa versículo reʼ scareʼ: «Diti noʼ stoib dioxh ni rigaʼl láabu, ni toib dioxh [...] sioʼ xalagarybu». Dios ranab lóono gony adorarno láasibu, né toibtica mod ni rony adorarno Dios láani ngú órni raninéno láabu (Isaías 48:11).

Pal raninéno o raxixipno nisló stoib dioxh, ná pal nacni toib ángel o toib bidaʼ, sasioʼobno xcalnabany Jehová. Libro ni laa Apocalipsis rasetlani que órni apóstol Juan bixixip nisló toib ángel par ñembu ángelcu, ángelcu góoch láabu: «Diti gonylo nga, naʼ láaca roni xchiin Dios xomodca looy, xomodca xhermanlo ni raniʼ xtiitz Jesús. Nosi Dios non gony adorarlo» (Apocalipsis 19:10).