Rabiguet

¿Balac laa Dios noʼ?

¿Balac laa Dios noʼ?

Mod rabexa la Biblia láani

Toibsi laa Dios noʼ. Ló diitz hebreo racáni יהוה né ló dixtil racáni «Jehová». * Dios golonésbu profeta Isaías par nacaʼ ndeʼ: «Naʼ naca Jehová. Ndeʼ laaya» (Isaías 42:8). Laa Dios sieedni midid 7.000 buelt ló guiichgool xtuny la Biblia ni cuá nírcu, laabu ritlani más que stipnés títulos xtunybu o stipnés laa buñ. *

¿Noʼ más laa Jehová la?

Ná la Biblia ná que Dios noʼ toibsi laabu, láaca raquiinni xidal títulos ni raslooy ximod nac Dios. Lainyguet reʼ sarecaa tipnés títulos ni sieed ló la Biblia né xi radudyni diitz. Cuá cuidad que tigaagani raslooyni ximod nac Jehová.

Título

Ro sieedni ló la Biblia

Ni radudyni diitz

Alá

(Diti sieedni)

Alá nacni toib diitz árabe. Diti nacni laa Dios, nacni toib título ni radudy diitz «Dios». Ló biblias xtuny buñ árabe —né ló stipnés diitz— órni raniʼyibu Alá nacni suusi caniʼyibu Dios.

Alfa né Omega

Apocalipsis 1:8; 21:6; 22:13

Alfa nacni primer letra xtuny alfabeto griego, né omega nacni última letra. Radudyni diitz que Jehová ngú «ni primer né último» o «ro rasaló né ro ralox», antes de láabu diti goyoʼ ni toib dios ni nap xiroʼ galnadip né después de láabu diti sioʼ ni toib (Isaías 43:10).

Alfarero

Isaías 64:8

Labúu gony mandarybu tanli buñ né gudxrop, xomodca toib buñ ni rasaʼ guus labúu gonybu nitisi nainy láabu né been (Romanos 9:20, 21).

Anciano de Días

Daniel 7:9, 13, 22

Diti goyoʼ ni bisaʼ láabu; maca noʼbu antes de nabany buñ o stipnés cós (Salmo 90:2).

Bixiosno

Mateo 6:9

Por láabu nabanyno.

Celoso

Éxodo 34:14

Diti rioladxbu guienno stipnés dioxh. Diitzreʼ rasienni lóono que «nosi láabu non gony adorarno».

Creador

Isaías 40:28

Láabu bisaʼbu guiráxadit ni noʼ.

Dios

Génesis 1:1

Radudyni diitz nitisi cós ni rien buñ o toib buñ nadip. Diitz hebreo ʼElohím radudyni diitz que Jehová nacbu toib Dios ni non guidziguiaʼno, toib Dios nirodandiguieʼ né non gapno respet láabu.

Dios bendito

1 Timoteo 1:11, Reina-Valera

Nacbu toib Dios ni noʼ nakit guirá ór (Salmo 104:31). Láaca rac traducirni xomod «Dios ni rabaladx».

Dios de dioses

Deuteronomio 10:17

Nosi láabu rareʼ loguiaʼbu ló «guirá dioxh ni diti noʼ pu raquiin» (Isaías 2:8).

Gran Creador

Salmo 149:2

Bisaʼbu guiráxadit ni noʼ (Apocalipsis 4:11).

Guielaa

Salmo 18:2, 46

Ronoʼbu labúu guilaano né diti noʼ xi sacno.

Mextra

Isaías 30:20, 21, La Biblia de las Américas

Láabu ragonésbu né rasuidybu lóono par tzeeni lóono galán (Isaías 48:17, 18). Láaca labúu gac traducirni xomod «Mextra ni nan rasuidy».

Naʼ Gaca ni nainy naʼ gaca

Éxodo 3:14

Diti nosi raniʼni que noʼ Dios, cuáni ló diitz hebreo né radudyni diitz que Dios rac nitisi nainy láabu gacbu par guirebuʼ ni nábu. Diitzreʼ láaca rac traducirni scareʼ: «Naʼ saca ni nainy naʼ». Mod rarexani racnéni lóono guienno xi radudy diitz laa Dios, Jehová, ni sieed ló versículo reʼ (Éxodo 3:15).

Ni nap Xiroʼ galnadip

Génesis 17:1

Diti noʼ ni toib ni labúu rigaʼl xcalnadipbu. Diitz hebreo ’El Schaddái, ni radudy diitz «Dios ni nap xiroʼ galnadip», sieedni gatz buelt ló la Biblia.

Ni noʼ más Guiaʼ

Salmo 47:2

Láabu ngú Dios ni noʼ más guiaʼ.

Ni racadiag oración

Salmo 65:2

Laʼpabu racadiagbu oración xtuny buñ ni rony láani né fe.

Ni ralaa

Isaías 45:21

Rabeʼbu buñ ladxña galgoity né galrranitló.

Pastor

Salmo 23:1

Ranbu buñ ni rien láabu.

Redentor, Recomprador

Isaías 41:14; Reina-Valera

Raquiimbu xcalgoity Jesús par guilaabu né cueʼbu buñ ladxña galkié né galgoity (Juan 3:16).

Rey ni noʼ por tipzó

Apocalipsis 15:3

Láabu napbu más galmandary né diti sadxin dzú sasnitbu láani.

Santísimo

Proverbios 9:10

Láasibu nayaabu de guiráxadit mod, ni toib buñ o dioxh sigaʼl láabu.

Señor

Salmo 135:5

Nacbu xpixuan buñ; ló diitz hebreo racáni ʼAdhóhn ʼAdhoním.

Señor Soberano

Génesis 15:2

Láasibu rony mandarybu ló guidopynac Gudxlio. Ló diitz hebreo racáni xomod ’Adhonái.

Supremo

Daniel 7:18, 27

Láasibu ngú Dios ni noʼ más Guiaʼ né diti noʼ stoib ni rigaʼl Xcalmandarybu.

Yahvé Sebaot, Señor de los ejércitos

Isaías 1:9, Romanos 9:29, Biblia de Jerusalén, 1998

Láabu rasanirbu nisló xidalguixo ángeles ni noʼ lainy guibá. Diitzreʼ láaca rac traducirni xomod «Jehová ni rasanir nisló xidalguixo soldad» o «SEÑOR ni rasanir nisló xidalguixo soldad ni noʼ lainy guibá» (Romanos 9:29).

Laa tipnés lagary ni sieed ló Escrituras Hebreas

Tipnés lagary ni sieed ló la Biblia napni laa Dios, per diti scá non guinino laa Dios.

Lagary

Ro sieedni ló la Biblia

Ni radudyni diitz

Jehová-nisí

Éxodo 17:15

«Jehová nac Poste o Señal xtuni» (La Palabra de Dios para Todos). Xcudx Jehová labúu guidop ronoʼbu né guilaa (Éxodo 17:13-16).

Jehová-salom

Jueces 6:23, 24

«Jehová Nac Paz».

Jehová-sama

Ezequiel 48:35, Reina-Valera

«Jehová Noʼcabu Ca».

Jehová-yiré

Génesis 22:13, 14

«Jehová Sadudy ni caquiinno».

¿Xigony rasac guimbuno né guiquiinno laa Dios?

  • Par Dios laabu nigolú rasacni, por ngú goloʼbu láani xidal mil buelt ló la Biblia (Malaquías 1:11).

  • Xiin Dios, Jesucristo, xidal buelt goleʼ loguiaʼbu laa Dios. Por ejemplo, órni goninébu Jehová goniʼbu: «Gac nayaa laalo» (Mateo 6:9; Juan 17:6).

  • Buñ ni rasuidy né raquiin laa Dios casaló cadzakbu Jehová (Salmo 9:10; Malaquías 3:16). Pal racbu ximig Dios, Dios raiby láabu ndeʼ: «Portín ronladxbu naʼ, salaaya láabu. Saana láabu portín rimbubu laaya» (Salmo 91:14).

  • La Biblia ná: «Noʼ xidal ni rareʼ laa dioses tanli lainy guibá né ló gudxlio, xomodca noʼ xidal dioses né xidal señores» (1 Corintios 8:5, 6). Per órni raquiinno laapa Dios, Jehová, caslooyno que láabu ngú Dios ni nigolú (Salmo 83:18).

^ Párrafo. 1 Tipnés buñ ni nantzay diitz hebreo más rioladxyibu gac traducirni xomod «Yahweh» o «Yahvé».

^ Párrafo. 1 Diitz dop xtuny Dios, Jah, sieedni midid cincuent buelt ló la Biblia. Por ejemplo, laabu sieedni ló diitz Aleluya, ni radudy diitz «Colgonyxiroʼ Jah» (Apocalipsis 19:1; Reina-Valera).