Rabiguet

¿Biquiin Dios evolución par bisaʼbu guirá ni nabany la?

¿Biquiin Dios evolución par bisaʼbu guirá ni nabany la?

Mod rabexa la Biblia láani

Yaca. La Biblia nayadit ná que Dios bisaʼ buñgudxlio né «guirá clas» nimal né yac (Génesis 1:12, 21, 25, 27; Apocalipsis 4:11). La Biblia ná que guirá buñgudxlio sieedyibu de Adán né Eva (Génesis 3:20; 4:1). Diti náni que Dios biquiin evolución par bisaʼbu guirá ni nabany. La Biblia noʼni de acuerdo que tipnés cós ni nabany moda radzaʼni per diti radxin racni stoib cós. *

 ¿Xí rony crer tipnés buñ?

Buñ ni rony pensary que Dios biquiin evolución par bisaʼbu guirá ni nabany, náyibu que Dios buny láani de xidal mod. Encyclopædia Britannica, rabexa láani scareʼ: «Yac o nimal ni más riaʼ toib lagary labúu rabany né radal, né scá ná Dios gacni».

Láaca náyibu que gocni modreʼ:

  • Guirá ni nabany bireʼni toibsi lagary.

  • Toib yac o toib nimal labúu gac evolucionarni dada gacni stoib clas. Ndeʼ rimbu buñ láani xomod macroevolución. Por ejemplo náyibu que mig góc envolucionarmu dada bidxin gócmu buñ.

  • Náyibu que Dios buny mandary que scú gacni.

 ¿Radzak ni ná evolución né ni ná la Biblia la?

Pal nigolú ni raniʼyibu, guirá ni rasetlaa Génesis de creación diti ñacni nigolú. Per órni Jesús goniʼ de láani, goniʼbu que nigolú gocni (Génesis 1:26, 27; 2:18-24; Mateo 19:4-6). La Biblia ná que Jesús bibanybu lainy guibá antes de ñeedbu ló Gudxlio, né gocnébu Dios bisaʼ «guirá cós» (Juan 1:3). Por ngú, órni buñ ná que Dios biquiin evolución par bisaʼbu guirá ni nabany diti radzakni né ni rasuidy la Biblia.

 Órni yac o nimal riaʼ toib lagary, ¿radudyni diitz que góc evolucionarni la?

La Biblia diti rabexa ximodpa radzaʼ toib yac o toib nimal né balacpa labúu guidzaʼni. Láaca noʼni de acuerdo de que nimal né yac ni bisaʼ Dios labúu guidzaʼni o labúu guiaʼni lagary ronoʼni. Noʼ ni ná que guirá ndeʼ nacni evolución, per ná guidzaʼyenni dipa sadxin sácni stoib yac o stoib mimal.

^ Párrafo. 1 Ndeʼ rimbu buñ láani xomod microevolución.