Videos ni raslooy mod nac libros ni sieed ló la Biblia

Videos ni raslooy tipnés cós ni rareʼ loguiaʼ ló tigaaga libros ni nap la Biblia.

Ro rasaló Esdras

Jehová buny cumplir xtiitz que guirá buñ ni noʼ xan xomandary Babilonia nabiguet né ñony adorar láabu stoib lainy gudx Jerusalén.

Ro rasaló Nehemías

Libro xtuny Nehemías rasuidyni cós ni rasac a guirá ni rony ni ná Dios ló naareʼ.

Ro rasaló Ester

Guirá galrradziguiaʼ ni rasetlaa libro xtuny Ester rony nadipni fe xtunyno né raduidyni confianz lóono que Dios labúu ralaabu xcudxbu ló nitisi galnagan.

Ro rasaló Job

Guirá ni rony ni ná Jehová sadudy ló galnagan. Ni gosaclo Job raduidy confianz lóono que labúu sacalóno nitisi galnagan par guislooyno que nosi Jehová non gony mandary.

Ro rasaló Salmos

Libro xtuny Salmos racnéni xcalmandary Jehová, rasialdóni né racnéni buñ ni rasob Jehová, láaca rasetlani ximod Jehová guiquiin Gobierno xtuny par guibanyno goxtiguie ló Gudxlio reʼ.

Ro rasaló Proverbios

Proverbios nap xilitz Jehová ni labúu gacné buñ ló bisaʼ cós ni racaló buñ laʼga nabany, ralitzni ximod gony buñ negosy né dada ximod guiguaʼ buñ goxt né xfamily.

Ro rasaló Eclesiastés

Rey Salomón rabeʼ loguiaʼ ni más rasac gonyno laʼga nabanyno né láaca raniʼbu xi guirá cós diti rioladx Jehová gonyno.

Ro rasaló El Cantar de los Cantares

¿Xigony galnadxiʼ ni gop sulamita né xinobybu nacni «guii xtuny Jah»?

Ro rasaló Isaías

Profecías ni sieed ló libro de Isaías nigolúni, libro reʼ rony nadipni fe né confianz ni napno lóo Dios portín raslooyni lóono que Jehová rony cumplirbu xtiitzbu né ralaabu buñ ni rasob láabu.

Ro rasaló Jeremías

Jeremías goyodieʼ ló dxiin ni Jehová biduidy láabu ná cualóbu galnagan. Buny pensary balaati racné lóono mod ni bisiambu.

Ro rasaló Lamentaciones

Jeremías ni góc profeta bicaʼ libro xtuny Lamentaciones, libro reʼ rasetlaa ximod bioʼobni layibu ni gosaclóo gudx Jerusalén né láaca raslooyni que órni buñ rac arrepentir Dios ronladx layibu.

Ro rasaló Ezequiel

Ezequiel góc buñdxo né diti bidzuibybu par naniʼbu ni Dios buny mandary láabu, ná góc naganni par láabu. Ejemplo xtunybu nigolú rasacni par lóono.

Ro rasaló Daniel

Daniel né xcompañer diti golsityibu de Jehová ná godudyibu ló galnagan. Mod ni bisianyibu né mod cayac cumplir profecía reʼ racnéni lóono ló dzú ni ma guidubylagaʼ.

Ro rasaló Oseas

Profecía xtuny Oseas rasuidyni lóono ximod Jehová rap galrronladx buñ ni rac arrepentir né láaca rasuidyni lóono ximod non gony adorarno láabu.

Ro rasaló Joel

Joel goniʼ que xtzú rodann Jehová ma noʼni gaxtiguié né goniʼbu xí raquiin gonyno par guilaano. Ló naareʼ más raquiin guicaano cuidad profecía ni goniʼbu.

Ro rasaló Amós

Jehová biquiimbu toib buñguieeu ni góc buñdxo par buny dxiin ni rasac. ¿Xí rasuidyno de ejemplo xtuny Amós?

Ro rasaló Abdías

Libro xtuny Abdías nacni más dop ni sieed ló Escrituras Hebreas. Profecía reʼ raduidyni esperanza né rasetlani que ma diti sioʼ ni gaiby guicaló derech ni nap Jehová de gony mandary por tipzó.

Ro rasaló Jonás

Profeta Jonás bicaʼbu historia xtunybu ximod cuacuentbu corrección xtuny Jehová, ximod buny cumplirbu né dxiin ni cuaʼbu. Láaca ximod Jehová bisuidy láabu toib lesiony de galnadxiʼ né galrronladx. Ni gosaclobu sadxinni lainy xcalnabanylo.

Ro rasaló Miqueas

Profecía reʼ ni sieed de Dios sacnéni lóono gapno confianz que guirá ni ranab Jehová, labúu gonyno láani né sacnéni lóono.

Ro rasaló Nahúm

Profecías reʼ raduidy confianz lóono que Jehová guirá ór rony cumplir xtiitz, né láabu racnébu buñ ni rony por guiguaʼ sacró né guilaa ló Gobierno xtunybu.

Ro rasaló Habacuc

Labúu gapno confianz que Jehová nantzaybu pu dzú guilaabu né ximod guilaabu xcudxbu.

Ro rasaló Sofonías

¿Xigony diti non gonyno pensary que xtzú rodann Jehová dipa sadxinni?

Ro rasaló Ageo

Profecías reʼ rasetlani que más rasac guienno Dios xalagary tzoʼno galrrasaʼ por cós ni caquiinno.

Ro rasaló Zacarías

Xidal visiones né profecías buny nadipni xcudx Dios ló dzú ni see. Profecías reʼca racnéni lóono guiduidyno cuent que napno xcalrracné Dios ló naareʼ.

Ro rasaló libro xtuny Mateo

Bisuidy tipnés cós ni rareʼ loguiaʼ ló libro xtuny Mateo. Ló la Biblia sieed tap Evangelios, Mateo ngú primerdiguieʼ Evangelio ni cuá.

Ro rasaló Marcos

Libro ni bicaʼ Marcos nacni más dop de tap Evangelios ni noʼ né rasetlani ni gony Jesucristo órni gacbu Rey ló Gobierno xtuny Dios.

Ro rasaló Lucas

¿Xí cós nosi ritlaa ló Evangelio xtuny Lucas?

Ro rasaló Juan

Evangelio xtuny Juan rabeʼ loguiaʼni mod gondxiʼ Jesús buñgudxlio, láaca rasetlani ximod Jesús góc buñdxo né dxiin ni bunybu xomod Mesías, Rey de Gobierno xtuny Dios.

Ro rasaló Hechos de Apóstoles

Cristianos ni goyoʼ primer, bunyibu rutigoygaʼlni layibu par bunyibu más xpiin Jesús ló guirá gudxrop. Órni goʼol lo libro xtuny Hechos sacnéni looy guiniʼlo xtiitz Dios né gan.

Ro rasaló Romanos

Libro reʼ rabeʼ loguiaʼni ximod Jehová ragobiobu nitisi buñ né ximod rasac gapno fe ló Jesucristo.

Ro rasaló 1 Corintios

Guiich ni bicaʼ Pablo rasetlani litz ni sieed de Dios né raniʼni ximod guiguaʼ buñ toibsi, ximod gacno buñ nayaa, ximod gandxiʼno saʼno né que non guiluladxno que siás gueʼet.

Ro rasaló 2 Corintios

Jehová, nac Dios «ni rasialdó xcalnabanyno» né rony nadipbu né racnébu lóono.

Ro rasaló Gálatas

Guiich ni bicaʼ apóstol Pablo par gálatas nigolú racnéni lóono ló naareʼ xomod dzú ni cuáni. Labúu gacnéni lóono dipa guisianno Jehová.

Ro rasaló Efesios

Guiich reʼ, rasetlani ximod Dios saquiimbu Jesucristo par labúu guibanyno goxt né guiguaʼno toibsi.

Ro rasaló Filipenses

Órni diti rasianno Jehová ná cacalóno galnagan, labúu gacnéno stipnés gony scúca.

Ro rasaló Colosenses

Labúu gonyno que xcalnabany Jehová tzoʼ nakitni pal rasobno ni nábu né pal rapno respet xcalmandary Jesús.

Ro rasaló 1 Tesalonicenses

Raquiin guiguanáno lainy xcudx Jehová, guicáno cuidad pal xinésni ngú ni casuidyno, guinabno lóo Dios guirá ór né gony animarno saʼno.

Ro rasaló 2 Tesalonicenses

Pablo racnébu cristianos de gudx Tesalónica guienyibu que nír sioʼ buñ apóstatas né sioʼ toib buñguieeu ni nigolú rony galkié orcúra sadxin xtzú Jehová, né rony animarbu herman gac nadip fe xtunyibu.

Ro rasaló 1 Timoteo

Apóstol Pablo bicaʼbu 1 Timoteo par ñan herman ximod non gac dxiin lainy congregación, par ñapyibu cuidad de galrrasuidy falz né par diti nasobladxyibu bidxiich.

Ro rasaló 2 Timoteo

Pablo rony animarbu Timoteo gony cumplir xchiin Dios tibrodiguieʼ.

Ro rasaló Tito

Guiich ni bixel Pablo ló Tito rasetlani galnagan ni goyoʼ lainy congregación de Creta né rasetlani requisitos ni gony cumplir buñguieeu par gac anciano.

Ro rasaló Filemón

Guiich reʼ ná dopienni rasuidyni lóono gacno buñdxo, guislooyno galrronladx né guitudyno scásiʼ ni rony stipnés lóono.

Ro rasaló Hebreos

Adoración xtuny cristianos rareʼni ló cós ni nigolú noʼ né más rasacni que nitisi templo né galrrascad de nimal.

Ro rasaló Santiago

Santiago biquiin tipnés ejemplos sacróyen par golexabu ni raquiin gony toib cristiano.

Ro rasaló 1 Pedro

Primer guiich ni bicaʼ Pedro rony animarni lóono gonyno xchiin Jehová né gan né guisianno ladxñabu guirá galrrasaʼ ni napno.

Ro rasaló 2 Pedro

Ni rarop guiich ni bicaʼ Pedro rony animarni lóono dipa guisianno Jehová laʼga cabésno «guibá copy» né «gudxlio copy».

Ro rasaló 1 Juan

Guiich reʼ raibyni lóono gapno cuidad de anticristo né racnéni lóono ganno xi cós non gandxiʼno.

Ro rasaló 2 Juan

Ni rarop guiich reʼ raibyni lóono que non saano ló galnigolú né gapno cuidad par diti guiscú anticristo lóono.

Ro rasaló 3 Juan

Tercera de Juan raibyni lóono que rasac cobiono buñ.

Ro rasaló Judas

Judas rasetlaa mod nac buñ ni ná guiscú né guixin galrrasuidy ni noʼ lainy congregación cristiana.