Rabiguet

Goyee ro ná índice xtuny contenidos

Ni guicaʼno ló dzú ni sietra nigolúni

Ni guicaʼno ló dzú ni sietra nigolúni

Ma gonabdiitzlo looy toibtica buelt, ¿xí guicaʼno ló dzú ni sietra la? La Biblia raiby lóono que mápa mer guidxin tipnés cós ni guidziguiaʼno né ni saguiña guirácano.

Jesús bisetlaa ximod labúu ganno que «Gobierno xtuny Dios ma noʼ gax» (Lucas 21:31). Goniʼbu que sioʼ guerr, xo rodann, galrralán né galguitz ni ragaity xidalguixo buñ, ngúpa cayac ló naareʼ (Lucas 21:10-17).

La Biblia láaca rasetlaa que ló «dzú ni ma guidubylagaʼ» sioʼ buñ ni gony cós mal. Bíil profecía ni sieed ló 2 Timoteo 3:1-5. * Nandxichdo que noʼlo de acuerdo que texto reʼ raslooyni modpa nac né modpa rony buñ ni nagoo lóono.

¿Xí radudy diitz guirá ndeʼ? Que mápa mer Gobierno xtuny Dios guitné xidal galnasác ni gony que Gudxlio reʼ gacni toib lagary sacróyen (Lucas 21:36). Ló la Biblia, Dios raiby lóono que sonybu cós sacróyen por Gudxlio né par buñ ni guiguaʼ loni. Guisuidyno tipnés ejemplos.

TOIB GOBIERNO GALÁN

Jesús «cuaʼbu galmandary né respet né toib gobierno, modreʼ guirá buñ de guirá gudx, gudxrop né buñ ni raniʼ stipnés diitz guisob láabu. Xcalmandarybu sioʼni por tipzó, dipa sadudy xtzúni, né gobierno xtunybu dipa sanitló» (DANIEL 7:14).

¿Xí radudyni diitz? Que napno oportunida guibanyno goxtiguie xan xomandary Gobierno xtuny Dios né diti noʼ stoib xomod láani. Dios ma golúbu Xiimbu par gac rey ló Gobierno reʼ.

 BUÑ MA DITI SAXOʼ

«Ni toib buñ ni guibany cú guiniʼ: Caxoʼya» (ISAÍAS 33:24).

¿Xí radudyni diitz? Que dipa sacno buñguitz. Sapno oportunida de guibanyno tipzó.

BUÑ SABANY GOXT

«Ranitlóbu guerr ló guidopynac gudxlio» (SALMO 46:9).

¿Xí radudyni diitz? Sabanyno goxtiguie né ma diti sadudyno ló galrrioʼob xtol guerr.

PÓRSI BUÑTZAY SABANY LÓ GUDXLIO

«Buñ mal ma diti sioʼ; [...] buñ nadaʼa sabany ló gudxlio» (SALMO 37:10, 11).

¿Xí radudyni diitz? Ma diti sioʼ buñ mal; nosi sioʼ buñtzay ni nainy guisob ni ná Dios.

GUIDOPYNAC GUDXLIO SAC TOIB LAGARY MÓZ

«Sasaʼyibu yoʼ né saquiinyibu láani, sasagaʼyibu labaa balach né sooyibu xcaani» (ISAÍAS 65:21, 22).

¿Xí radudyni diitz? Guidopynac Gudxlio sácni toib lagary móz. Dios sony cumplir guirá ni ma gonabno láabu: gac ni nábu «ló gudxlio» (Mateo 6:10).

^ Párrafo. 4 Labúu goʼol lo la Biblia ló Internet www.jw.org.