Rabiguet

Goyee ro ná índice xtuny contenidos

¿Chú láabu ngú Dios?

¿Chú láabu ngú Dios?

Xidal buñ ná que raluladx lóo Dios, per órni noʼ ni ranabdiitz layibu chú láabu ngú Dios, diti guiráyibu racapyibu toibsi mod. Tipnésyibu ná que Dios nac xomod toib juez mal ni ná guituidy buñ ló castig por xcalkiéyibu. Stipnés ná que Dios nigolú nadxiʼbu buñ né satuidybu scásiʼ nitisi galkié ni gonyno. Stipnés ná que Dios noʼbu sit né diti rioʼbu galrrasaʼ por lóono. Diti toibsi mod raniʼyibu, por ngú xidal buñ ná que dipa labúu simbuno Dios.

¿Rasac guimbulo Dios la? Scú. Pal rimbutzaaylo Dios labúu sabanylo goxtiguie ló naareʼ né ló dzú ni sietra (Hechos 17:26-28). Órni más rabigaxlo Dios más sioʼbu galrrasaʼ por looy né más sacnébu looy (Santiago 4:8). Scú láani, pal rimbutzaayno Dios sacnéni lóono guibanyno tipzó (Juan 17:3).

¿Ximod labúu guimbulo Dios? Bunysi pensary ló toib buñ ni rimbutzaaylo ni nac ximigdxinlo. ¿Ximod gosaló bidzakto saʼto? Nandxichno que primer gonlo ximod laabu né después gonlo ximod nacbu, xi láani rioladxbu né xi láani diti rioladxbu, xi bunybu ló dzú ni see né xi nábu gonybu ló dzú ni sietra. Guirá ngú buny que sacró nadzakto saʼto.

Scúca, labúu guimbuno Dios pal racapyno galrranabdiitz ni sieed reʼ:

Revista reʼ racapy galrranabdiitz reʼ né xcalrracné la Biblia. Stipnés artículos ni sieed ló revista reʼ diti nosi sacnéni looy ganlo chú láabu ngú Dios, láaca sacnéni looy ganlo xi galnasác labúu guicaʼlo pal Dios nac ximiglo.