Rabiguet

Goyee ro ná índice xtuny contenidos

Órni tzeʼelo rioné stoib buñ

Órni tzeʼelo rioné stoib buñ

«Goniiny naʼ ñati órni tzeʼela góoch naʼ que ma tzalesnébu toib gonaʼ ni más nalas que naʼ. Diti láani ngú ni bunybu. Xidal cós buni por láabu» (María, España).

«Tisintiempsi bisian tzeʼela naʼ. Dzúcu ralooypa goity xcalnabani. Guirá ni goloʼdo guicdo ñonydo binitni, guirá ni goniiny lóodo binitlóni. Goyoʼ dzú moda gosaca sacró, per galnabancu maca rabiguetni stoib» (Bill, España).

ÓRNI toib buñ rascú tzeʼel nigolú ratudybu tzeelbu ló galrrioʼob. Noʼ buñ labúu ratudy scásiʼ ni rony tzeʼel né diti rasian saʼyibu. * Per ná pal racni scú o yaca, ni ditca biché nigolú rioʼob xcalnabany. ¿Xí labúu gacné layibu órni nigolú cayoʼob xcalnabanyibu?

TEXTOS XTUNY LA BIBLIA NI LABÚU GACNÉ LOOY

Ná nigolú rioʼob xcalnabanyibu, la Biblia rasialdó xcalnabany xidal buñ ni ma godudy ló galnagan de clas reʼ. Órni roʼolyibu la Biblia, radudyibu cuent que Dios rabiʼ layibu órni ribdxaʼyibu né rien galrrioʼob ni rasacyibu (Malaquías 2:13-16).

«Órni godudy midid goyoʼya ló galrrasaʼ, looy gocnélo naʼ né bisialdólo xcalnabani» (Salmo 94:19).

«Órni biila versículo reʼ, gosaca suusi Jehová caguʼdx naʼ xomod raguʼdx toib buñ xiin», scá goniʼ Bill.

«Looy diti sasianlo buñ ni diti rasian looy» (Salmo 18:25).

Tzeʼel Carmen biscú láabu né stoib buñ por xidal beʼo. Carmen ná: «Tzeʼela biscú naʼ per gondxichi que Jehová dipa sasian naʼ, Jehová dipa sasioʼob xcalnabani».

«Diti tzoʼto ló galrrasaʼ por nitisi cós, ni gonyto ngú guininéto, guinabto lóo Dios [...], modreʼ Dios gan xi canabto; né paz xtuny Dios ni rony gan guirá pensary san xcalnabanyto» (Filipenses 4:6, 7).

«Guirá ór biila texto reʼ. Laʼga más goninéya Dios más cuaʼya paz xtuny Dios», ná Sasha.

Guirá buñ ni ma bisetlano goyoʼ ór bunyibu pensary que ma cuti biloxni, per gopyibu confianz lóo Jehová, né la Biblia gocné layibu. Bill bisetlaa láani scareʼ: «Fe gocnéni naʼ par nasaca sacró dzú ralooypa ma nac nacsi nabani. Ná por goxeʼsi tiemp gosaaya ló néz ni nacayasquin, Dios dipa bislaʼña naʼ» (Salmo 23:4).

^ Párrafo. 4 Pal nainy looy ganlo más xi labúu gonylo órni tzeʼelo rascú looy, bibiʼ tipnés artículos ni laa, Las trágicas consecuencias de la infidelidad, ¿Es posible la reconciliación?, La opción del divorcio ni sieed ló ¡Despertad! 22 de abril íz 1999.