Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Labúu gacno ximig Dios

 LESIONY 14

Ni nac ximig Dios diti rony cós mal

Ni nac ximig Dios diti rony cós mal

Buñdzab raguiix xidal tentación par tzaguiapno né gonyno cós mal. Si nainy gacno ximig Dios, láaca guianladxno cós ni Jehová rianladx (Salmo 97:10). Ndeʼ nac tipnés cós ni ximig Jehová diti non gony:

Galyoxh. «Diti gatnélo tzeʼel stoib buñ.» (Éxodo 20:14.) El que gatné buñ gonaʼ ni non gac tzeʼel nír, mal láani (1 Corintios 6:18).

Galrrasoch. Guirá «ni rasoch [...] [diti] labúu sioʼ lainy Gobierno xtuny Dios» (1 Corintios 6:10).

Ni ragaity né ni ratuidy xiin. «Diti guigaitylo.» (Éxodo 20:13.)

Galgobaʼn. «Diti cuannlo.» (Éxodo 20:15.)

Galrrascú. Jehová rianladx «loch ni raniʼ por garascu» (Proverbios 6:17).

 Cós mal né ni radzuitz waity. Jehová «rianladx nitís ni ronladx cós mal» (Salmo 11:5). Ladni noʼ «ni xcalnabanyno rachiin lóono gonyno» né láaca noʼ «ni radzuitz waity» (Gálatas 5:19, 20).

Galraguit por bidxiich. «Diti gac ximigto toib ni ná nac herman, [...] ni de [...] toib buñ ni rasobladx.» (1 Corintios 5:11.)

Galrrianladx de stipnés clas de Buñ. «Col goonladx enemig xtunyto né golguinap lo Dios por guirá ni cayony mal lóoto.» (Mateo 5:43, 44.)

Dios raiby guirá cós reʼ par gacnéni lóono. Nagann par gonyno cós tzaay, pero Jehová sacné lóono né Testigos xtunybu, looy labúu gonylo ni rioladx Jehová, né labúu cuélo cós ni diti rioladxbu tiplad par labúu gonylo ni ná Dios (Isaías 48:17; Filipenses 4:13; Hebreos 10:24, 25).